آزادی مارچ، پی ٹی آئی این اے 27 کا مشاورتی اجلاس

مارچ میں پشاور سے پی ٹی آئی کی خواتین بھر پور شرکت کریںگی، بینش عرفان خان

بدھ 23 نومبر 2022 23:07

پشاور(اُردو پوائنٹ اخبارتازہ ترین - این این آئی۔ 23 نومبر2022ء) پاکستان تحریک انصاف کے چیئرمین عمران خان کی ہدایت پر 26 نومبر کو ہونے والے حقیقی آزادی مارچ کیلئے پاکستان تحریک انصاف این اے 27 کے زیر اہتمام مشاورتی اجلاس کا انعقاد کیا گیا اجلاس میں ڈپٹی سپیکر خیبرپختونخوا اسمبلی محمود خان، نائب صدر خواتین ونگ ضلع پشاور بینش عرفان خان، سابق ایم این اے ساجد نواز خان، تحریک انصاف کے ضلعی صدر اظہر خان، ضلعی جنرل سیکرٹری فاروق خان، خان زیب خان، منیر اللہ خان اور تحریک انصاف کے دیگر عہدیداران نے شرکت کی، اجلاس میں حقیقی آزادی مارچ کے حوالے سے حکمت عملی طے کر نے پر تفصیلی مشاورت کی گئی،پاکستان تحریک انصاف خواتین ونگ ضلع پشاور کی نائب صدر بیشن عرفان خان نے حقیقی آزادی مارچ میں پی ٹی آئی کی خواتین بھر پور شرکت کو یقینی بنانے کیلئے پرعزم ہے، انہوں نے پشاور کی خواتین باشعور خواتین ہے خواتین حقیقی آزادی کی اس جدوجہد میں عمران خان کا بھر پور ساتھ دینگی۔