وفاقی وزیر نے ملک کی موجودہ صورتحال کا ذمہ دار اسٹیبلشمنٹ اور عدلیہ کو قرار دے دیا

عدلیہ نے مصلحت کے تحت ایسے فیصلے بھی کیے جو قانون اور آئین سے ہٹ کر تھے‘ اسٹیبلشمنٹ نے بھی آئین سے ہٹ کر کام کیے اور آئین سے بڑھ کر دخل اندازی کی۔ وفاقی وزیر تعلیم رانا تنویر حسین کی گفتگو

ساجد علی پیر 23 جنوری 2023 15:27

وفاقی وزیر نے ملک کی موجودہ صورتحال کا ذمہ دار اسٹیبلشمنٹ اور عدلیہ ..

مریدکے ( اُردو پوائنٹ اخبارتازہ ترین ۔ 23 جنوری 2023ء ) وفاقی وزیر تعلیم رانا تنویر حسین نے ملک کی موجوہ صورتحال کا ذمہ دار اسٹیبلشمنٹ اور عدلیہ کو قرار دے دیا۔ نیو نیوز کے مطابق میڈیا سے گفتگو کرتے ہوئے انہوں نے کہا کہ ملک کی موجوہ صورتحال کی ذمہ دار فوج ہے اور عدلیہ نے بھی اس میں اپنا خوب حصہ ڈالا ہے، عدلیہ نے مصلحت کے تحت ایسے فیصلے بھی کیے جو قانون اور آئین سے ہٹ کر تھے، سی کے تحت ایک منتخب وزیر اعظم کو غیر آئینی طریقے سے حکومت سے نکالا گیا جب کہ اسٹیبلشمنٹ نے بھی آئین سے ہٹ کر کام کئے ہیں اورآئین سے بڑھ کر دخل اندازی کی۔

چند روز قبل وفاقی وزیر ریلوے اور مسلم لیگ ن کے رہنما سعد رفیق کا کہنا تھا کہ پاکستان کی سیاست سے اتنا زیادہ دلبرداشتہ ہو گیا ہوں کہ کچھ بھی بننا پسند نہیں کروں گا، سیاست تو آخری دم تک کروں گا لیکن یہ جو چیچک زدہ جمہوریت ہے میں اس سے بالکل مطمئن نہیں ہوں۔

(جاری ہے)

پاکستان کی چیچک زدہ جمہوریت سے ملک کبھی ترقی نہیں کر سکتا، اس کی وجہ خاندانی سیاست، اسٹیبلشمنٹ کی مداخلت اور نظریہ ضرورت کے تحت فیصلے دینے والے جج ہیں، ان خرابہوں کے ہوتے ہوئے پاکستان تو ترقی نہیں کر سکتا میں اس نظام سے بددل ہو گیا ہوں، جو بات دل میں ہو وہ زبان پر ہونی چاہئیے۔

پاکستان کی چیچک زدہ جمہوریت سے ملک کبھی ترقی نہیں کر سکتا۔ اسکی وجہ خاندانی سیاست، اسٹیبلشمنٹ کی مداخلت اور نظریہ ضرورت کے تحت فیصلے دینے والے جج ہیں۔ pic.twitter.com/tjTFySbJqs
— Khawaja Saad Rafique (@KhSaad_Rafique) January 15, 2023

اس سے قبل بھی وفاقی وزیر ریلوے سعد رفیق یہ کہہ چکے ہیں کہ اقتدار میں رہنے کی دلچسپی ختم ہوگئی ہے، ہم صرف کاغذوں میں آزاد ہوئے ہیں، ہمیں آئین اور قانون کی بات کرنی چاہئیے، ہم اپنی ہر ناکامی کا الزام اسٹیبلشمنٹ پر نہیں لگا سکتے، جنہوں نے ملک میں مارشل لاء لگایا انہوں نے جرم کیا۔ سعد رفیق نے کہا کہ سیاسی جماعتیں کیوں خود پاؤں پر کھڑا نہیں ہونا چاہتی، کسی بھی سیاسی جماعت میں جمہوریت نہیں ہے، سیاسی جماعتیں رحم کریں، جماعتوں میں الیکشن کرائیں، نظریہ ضرورت کے تحت متنازعہ فیصلے کیے جاتے ہیں، 22 کروڑ کا ملک ایک دوسرے سے بدلے لینے کے لیے نہیں بنا، عمران خان اور ان کو لانے والوں سے سوالات تو ہوں گے۔