الیکشن کمیشن نے اثاثہ جات کے گوشوارے جمع کرانے پر مزید 18ارکان پارلیمان وصوبائی اسمبلی کی رکنیت بحال کردی

منگل 24 جنوری 2023 22:57

اسلام آباد (اُردو پوائنٹ اخبارتازہ ترین - اے پی پی۔ 24 جنوری2023ء) الیکشن کمیشن نے اثاثہ جات کے گوشوارے جمع کرانے پر مزید 18 ارکان پارلیمان وصوبائی اسمبلی کی رکنیت بحال کردی۔منگل کو الیکشن کمیشن کی جانب سے جاری نوٹیفکیشن کے مطابق قومی اسمبلی کے حلقہ این اے 71 گجرات۔IV سے چوہدری عابد رضا، این اے 111 ٹوبہ ٹیک سنگھ۔I سے چوہدری خالد جاوید، این اے 169 بہاولنگر۔

IV سے نور الحسن تنویر، این اے 175 رحیم یار خان۔I سے سید مبین احمد، این اے 181 مظفرگڑھ۔I سے محمد شبیر علی، این اے 264 کوئٹہ۔I سے عصمت اﷲ، این اے 41 باجوڑ۔IIسے گل ظفر خان، این اے 56 اٹک۔

(جاری ہے)

II سے ملک سہیل خان، این اے 157 ملتان۔IV سے سید علی موسیٰ گیلانی ، این اے 192 ڈیرہ غازی خان۔IV سے سردار محمد خان لغاری، این اے 255 کراچی سنٹرل۔ III سے خالد مقبول صدیقی اور غیر مسلموں کیلئے مخصوص نشست سے لعل چند کی رکنیت اثاثہ جات کے گوشوارے جمع کرانے پر بحال کر دی گئی ہے۔

پنجاب سے سینیٹر کامران مائیکل، سندھ سے سینیٹر سیف اﷲ ابڑو، کے پی کے سے سینیٹر محسن عزیز اور سینیٹر ثانیہ نشتر جبکہ صوبائی اسمبلی سندھ کے حلقہ پی ایس 8 شکارپور۔II سے محمد شہریار خان مہر اور پی ایس۔32 خیرپور۔VII سے سید محمد راشد شاہ کی بھی اثاثہ جات کے گوشوارے جمع کرانے پر رکنیت بحال کر دی گئی ہے۔