پیپلز پارٹی جنوبی اضلاع ‘فرزند وزیر پارلیمانی کمیٹی ممبر نامزد

پارٹی کے صوبائی صدر نجم الدین خان نے پارلیمنٹری بورڈ کا اعلامیہ جاری کردیا

بدھ 25 جنوری 2023 22:41

پشاور(اُردو پوائنٹ اخبارتازہ ترین - این این آئی۔ 25 جنوری2023ء) پاکستان پیپلز پارٹی کے صوبائی صدر نجم الدین خان نے خیبرپختونخوا کے جنوبی اضلاع کے پارلیمنٹری بورڈ کا اعلامیہ جاری کردیا ۔

(جاری ہے)

اعلامیہ کے مطابق وفاقی وزیر مملکت برائے تخفیف غربت و سماجی تحفظ اور مرکزی سیکرٹری اطلاعات فیصل کریم کنڈی بورڈ کے کنونئیر ہونگے جبکہ دیگر ممبران میں ساجد حسین طوری،بیرسٹر مسعود کوثر،انور سیف اللہ،فرزند علی وزیر،امجد آفریدی،جبار خٹک،نیک دراز وزیر ، انجینئر امان الحق خان غزنی خیل اور محسن علی خان شامل ہیں۔

یہ بورڈ آنے والے قومی اور صوبائی اسمبلی کے انتخابات کے معاملات کی نگرانی کرے گا اور پارٹی ٹکٹوں کی تقسیم کے حوالے سے اپنی سفارشات تیار کرکے پارٹی کی مرکزی قیادت کو آگاہ کرے گا۔اس موقع پر پاکستان پیپلز پارٹی کے صوبائی ڈپٹی سیکرٹری کوآرڈنیشن فرزند علی وزیر نے مرکزی اور صوبائی قیادت کا شکریہ ادا کرتے ہوئے کہا کہ میرے لئے اعزاز کی بات ہے کہ مجھے ملک کی سب سے بڑی سیاسی پارٹی میں ایک اہم ذمہ داری سونپی گئی ۔