این اے 193 راجن پور کا میدان پاکستان تحریک انصاف نے مار لیا

حلقے کے تمام 237 پولنگ اسٹیشن کے غیر حتمی اور غیر سرکاری نتائج کے مطابق تحریک انصاف کے محمد محسن لغاری 90392 ووٹ لے کر پہلے نمبر پر رہے

دانش احمد انصاری پیر 27 فروری 2023 00:30

راجن پور (اردوپوائنٹ،اخبارتازہ ترین ۔ 26 فروری 2023ء) این اے 193 راجن پور کا میدان پاکستان تحریک انصاف نے مار لیا۔ تحلقے کے تمام 237 پولنگ اسٹیشن کے غیر حتمی اور غیر سرکاری نتائج کے مطابق تحریک انصاف کے محمد محسن لغاری 90392 ووٹ لے کر پہلے نمبر پر رہے۔ جبکہ مسلم ليگ ن کے عمار احمد خان لغاری 55218 ووٹ لےکر دوسرے نمبر پر رہے۔ این اے 193 راجن پور کا میدان پاکستان تحریک انصاف نے مار لیا پاکستان پیپلز پارٹی کے اختر حسن خان گورچانی نے 20 ہزار 74 ووٹ حاصل کر کے تیسرے نمبر پر رہے جبکہ تحریک لبیک پاکستان کے محمود احمد 3 ہزار 961 ووٹ لیکر چوتھے نمبر پر رہے۔

خیال رہے کہ این اے 193 کی نشست پی ٹی آئی کے ایم این اے سردار جعفر لغاری کے انتقال کے باعث خالی ہوئی تھی۔ یاد رہے کہ قومی اسمبلی کے حلقہ این اے 193 راجن پور میں ضمنی انتخاب کیلئے پولنگ جاری ہے،این اے 193 راجن پور میں ضمنی انتخاب کیلئے پولنگ کا آغاز صبح 8 بجے ہوا،حلقے میں ووٹنگ کیلئے 237 پولنگ اسٹیشنز قائم کیے گئے ہیں۔

(جاری ہے)

تحریک انصاف کے رہنما محسن لغاری،ن لیگ کے عمار اویس لغاری اور پیپلز پارٹی کے اختر حسن گورچانی سمیت 11 امیدوار ضمنی انتخاب میں مد مقابل تھے۔

الیکشن کمیشن کے مطابق حلقہ این اے 193 میں رجسٹرڈ ووٹرز کی تعداد 3 لاکھ 79 ہزار 204 ہے،مرد ووٹرز کی تعداد 2 لاکھ 6 ہزار 495 اور خواتین ووٹرز کی تعداد 1 لاکھ 72 ہزار 709 ہے۔ حساس پولنگ اسٹیشنز کی سی سی ٹی وی کیمروں اور دیگر جدید آلات سے مانیٹرنگ کی گئی ،کسی بھی ناخوشگوار واقعے سے نمٹنے کے لیے پولیس،ایلیٹ فورس،رینجرز اور فوج کی خدمات مستعار کی گئی تھیں۔ ضمنی انتخاب میں سیکیورٹی کے سخت انتظامات کیے گئے ،2500 سے زائد پولیس اہلکار اور افسران نے ڈیوٹی سرانجام دی ،پاک آرمی اور رینجرز کے جوان پولیس کی مدد کے لیے ساتھ موجود تھے ،پولنگ اسٹیشن میں موبائل لے جانے پر مکمل پابندی تھی۔