Live Updates

عمران خان کو تمام معاملات میں صادق و امین قرار نہیں دیا تھا، جسٹس ( ر) ثاقب نثار

میں بھی انسان ہوں، مجھ سے بھی کچھ غلط فیصلے ہوئے ہوں گے، جن پر مجھے ندامت ہے یا جو مجھ سے غلط ہوئے، معاملات جب عدالت میں آئیں گے تب دیکھیں گے،سابق چیف جسٹس

پیر 6 مارچ 2023 16:47

عمران خان کو تمام معاملات میں صادق و امین قرار نہیں دیا تھا، جسٹس ( ر) ..

اسلام آباد (اُردو پوائنٹ اخبارتازہ ترین - این این آئی۔ 06 مارچ2023ء) سابق چیف جسٹس پاکستان ثاقب نثار نے کہا ہے کہ سابق وزیراعظم عمران خان کو مکمل اور تمام معاملات پر صادق و امین قرار نہیں دیا تھا،میں بھی انسان ہوں، مجھ سے بھی کچھ غلط فیصلے ہوئے ہوں گے، وہ فیصلے جن پر مجھے ندامت ہے یا جو مجھ سے غلط ہوئے، وہ معاملات جب عدالت میں آئیں گے تب دیکھیں گے۔

ایک انٹرویومیں انہوںنے بتایاکہ جسٹس (ر) ثاقب نثار سے گفتگو ہوئی ہے جس میں سابق چیف جسٹس نے بتایا کہ ان کا وٹس ایپ ہیک ہو چکا ہے جس کا مواد استعمال کر کے جعلی آڈیوز بنانے کا خدشہ ہے۔ثاقب نثار نے کہا کہ سابق ڈی جی آئی ایس آئی فیض حمید دعا سلام بھجواتے ہیں تاہم ان کا عمران خان سے کوئی رابطہ نہیں ہے۔جب سابق چیف جسٹس سپریم کورٹ سے سوال کیا گیا کہ پانامہ کیس میں آپ پر سابق وزیراعظم اور قائد مسلم لیگ (ن) نوازشریف کو نااہل کروانے کیلئے جنرل (ریٹائرڈ) فیض حمید نے دباؤ ڈالا تو انہوں نے جواب دیاکہ فیض حمید کون ہے جو مجھ پر دباؤ ڈالتا انہوں نے کہا کہ میں ابھی سابق آرمی چیف جنرل (ریٹائرڈ ) قمر جاوید باجوہ سے اس دعوے کے بارے میں بات کروں گا، یہ کہتے ہیں کہ میں عمران خان کیلئے عدلیہ میں لابنگ کر رہا ہوں، میں کیوں ان کیلئے لابنگ کروں گا، مجھے اپنے بچوں کے مستقبل کی فکر ہے۔

(جاری ہے)

سابق چیف جسٹس پاکستان ثاقب نثار نے کہا کہ عمران خان کو مکمل اور تمام معاملات پر صادق و امین قرار نہیں دیا تھا، میں نے اس وقت میرے سامنے زیر سماعت جو مقدمہ تھا، میں نے انہیں اس کیس میں صادق و امین قرار دیا تھا، عمران خان کے باقی معاملات کا مجھے کچھ نہیں پتا، تو میں یہ نہیں کہہ سکتا ہے کہ وہ مکمل طور پر صادق و امین ہیں۔اپنے فیصلے پر کی جانے والی تنقید کے حوالے سے سابق چیف جسٹس نے کہا کہ میں بھی انسان ہوں، مجھ سے بھی کچھ غلط فیصلے ہوئے ہوں گے، وہ فیصلے جن پر مجھے ندامت ہے یا جو مجھ سے غلط ہوئے، وہ معاملات جب عدالت میں آئیں گے تب دیکھیں گے، لیکن ایک عدالت اللہ کی بھی ہے، میں انسان ہوں، کچھ غلط فیصلے ہوئے ہوں گے۔