برازیل میں فائرنگ سے 13 افراد ہلاک

ہلاک ہونے والے تمام افراد جرائم پیشہ گروہ کے کارندے تھے،پولیس

ہفتہ 25 مارچ 2023 17:25

ریوڈی جنیرو(اُردو پوائنٹ اخبارتازہ ترین - این این آئی۔ 25 مارچ2023ء) جنوبی امریکہ کے ملک برازیل میں فائرنگ سے 13افراد ہلاک ہو گئے۔غیر ملکی خبر رساں ایجنسی کے مطابق برازیل میں پولیس اور جرائم پیشہ افراد کے مابین تصادم ہوا۔ اس دوران فائرنگ سے 13افراد ہلاک ہوئے۔پولیس کے مطابق ساحلی شہر ریو ڈی جنیرو میں جرائم پیشہ گروہ کے سرغنہ کی گرفتاری کے لیے چھاپے مارے گئے تھے اس دوران گینگ کے کارندوں سے فائرنگ کا تبادلہ ہوا۔

(جاری ہے)

ہلاک ہونے والے تمام افراد جرائم پیشہ گروہ کے کارندے تھے۔مارے جانے والوں میں منشیات فروشوں کا سرغنہ بھی شامل ہے جو پولیس افسران کے قتل میں مطلوب تھا۔ پولیس کو مجرم کی اس علاقے میں موجودگی کی اطلاع ملی تھی۔ جرائم پیشہ عناصر کے خلاف آپریشن میں ہیلی کاپٹر اور بکتر بند گاڑیاں بھی موجود تھیں۔پولیس کے مطابق آپریشن کے دوران 3 شہری بھی گولیاں لگنے سے زخمی ہوئے جن کا جرائم پیشہ عناصر سے کوئی تعلق نہیں ہے۔