12 یا 16 اگست کے بعد ہماری حکومت نہیں ہو گی، رانا ثناء اللّٰہ
16 اگست کو عبوری حکومت آ جائیگی، الیکشن کرانا ان کا کام ہے، وزیر داخلہ
ملک اس وقت افراتفری اور انارکی کی طرف کھڑا ہے، اس کیلئے عمران خان کی دس سال کی محنت ہے، گفتگو
جمعرات 30 مارچ 2023 17:53
اسلام آباد (اُردو پوائنٹ اخبارتازہ ترین - این این آئی۔ 30 مارچ2023ء) وفاقی وزیر داخلہ رانا ثناء اللّٰہ نے کہا ہے کہ 12 یا 16 اگست کے بعد ہماری حکومت نہیں ہو گی، 16 اگست کو عبوری حکومت آ جائے گی، الیکشن کرانا ان کا کام ہے،ملک اس وقت افراتفری اور انارکی کی طرف کھڑا ہے، اس کیلئے عمران خان کی دس سال کی محنت ہے۔میڈیا سے گفتگو کرتے ہوئے رانا ثناء اللّٰہ نے کہا کہ ملک میں سیاسی درجہ حرارت کم ہونا چاہیے، لوگوں کو معاملات کے حل کرنے کیلئے مشاورت سے کام لینا چاہیے۔انہوں نے کہا کہ ملک اس وقت افراتفری اور انارکی کی طرف کھڑا ہے، اس کیلئے عمران خان کی دس سال کی محنت ہے، انہوں نے ملک کو انتشار کی طرف لے جانے کی بھرپور کوشش کی ہے۔رانا ثناء اللّٰہ نے کہاکہ معاملات کو حل کرنے کیلئے گریٹر ڈائیلاگ کی ضرورت ہے، ایک بیان دینے سے یہ معاملہ حل نہیں ہوگا، ڈائیلاگ ہی بہتر راستہ ہے لیکن اس کے لیے درست لائحہ عمل بنایا جائے۔
(جاری ہے)
وفاقی وزیر نے کہاکہ دہشت گردی آئوٹ آف کنٹرول نہیں ہوئی اور نہ ہی ہوگی، دہشت گردی موجود ہے، دہشت گرد اپنی کارروائیاں کررہے ہیں، ان کے تدارک کیلئے ہماری افواج اور وزارت اپنا کام کر رہی ہے، دہشت گردی کو ملک سے ختم کیا جائے گا۔انہوںنے کہاکہ ایک فریق دس سال سے اپنے مخالفین کو ختم کرنے کی کوشش کر رہا ہے، وہ شخص حکومت میں ہو یا اپوزیشن میں، مخالفین سے ہاتھ ملانے کو تیار نہیں، اگر الیکشن کی تاریخ دے دی جائے اور ہم الیکشن میں چلے جائیں، تو بیٹھ کر کیا بات کرنی ہی بیٹھ کر بات پہلے ہو گی، عدالت عظمیٰ جو فیصلہ کرے گی اس کا احترام ہو گا۔وزیرِ داخلہ نے کہاکہ الیکشن کمیشن نے ساری باتوں کو مدنظر رکھ کر فیصلہ کیا ہے، فیصلہ آئینی اور قانونی طور پر درست ہے، عمران خان نے اسمبلی اس لیے توڑی تا کہ وقت سے پہلے الیکشن ہوں، وہ چاہتے ہیں دو اسمبلیوں کا الیکشن الگ اور 2 کا الگ ہو۔انہوںنے کہاکہ عمران خان کا یہ اقدام ملک کیلئے بہتر نہیں، اس سے ملک میں انارکی آئے گی، 8 اکتوبر کو جنرل الیکشن ہوں گے۔
عمران خان سے متعلق تازہ ترین معلومات
