حکومت کی جانب سے تقسیم کیے جانے والا مفت آٹا انسانوں کے کھانے کے قابل نہیں ہے
یہ جانوروں کے کھانے کا آٹا ہے، یہ آٹا کوئی وزیر، ڈپٹی کمشنر، پرائم منسٹر،سیکرٹری فوڈ کھا کر تو دکھائے، لوگ بددعائیں دے رہے ہیں، پی پی رہنما ندیم افضل چن کا اعتراف
محمد علی جمعرات 30 مارچ 2023 21:10
ڈان نیوز سے گفتگو کرتے ہوئے پی پی رہنما ندیم افضل چن نے کہا کہ حکومت کی جانب سے تقسیم کیے جانے والا مفت آٹا انسانوں کے کھانے کے قابل نہیں ہے، یہ جانوروں کے کھانے کا آٹا ہے، یہ آٹا کوئی وزیر، ڈپٹی کمشنر، پرائم منسٹر،سیکرٹری فوڈ کھا کر تو دکھائے، لوگ بددعائیں دے رہے ہیں، یہ فراڈ بند کیا جائے۔ دوسری جانب حکومت کی جانب سے مستحق افراد میں مفت آٹے کی ترسیل کا عمل جاری ہے۔
(جاری ہے)
صوبے کے 10 کروڑ افراد پنجاب کی مفت آٹا سکیم سے مستفید ہوں گے۔آٹے کی تقسیم کا عمل جب سے شروع ہوا ہے تب سے تقسیم کے طریقہ کار سے متعلق کئی شکایات سامنے آئی ہیں۔شہری مفت آٹے کی تقسیم کے طریقہ کار پر بھڑک اٹھے ہیں۔شہریوں کا کہنا ہے کہ یہ اسکیم عوام کے بھلے کے لیے شروع کی گئی تھی، اگر حکومت اس پر بھرپور توجہ دیتی تو یہ اسکیم عوام میں انتہائی مقبول ہوتی۔
لیکن انتظامیہ کی عدم توجہ اور مکمل مانٹیرنگ سسٹم نہ ہونے کی وجہ سے شہریوں کو مشکلات درپیش ہیں۔بظاہر لگتا ہے کہ اسکیم لانچ کرنے سے قبل مکمل پلاننگ نہیں کی گئی۔ روزے کے دوران لوگ طویل قطاروں میں لگنے پر مجبور ہیں۔گذشتہ ایک ہفتے کے دوران مختلف شہروں میں 5 سے زائد افراد مفت آٹے کے حصول کے چکر میں جان کی بازی بھی ہار چکے ہیں۔ایک خاتون نے اردو پوائنٹ سے گفتگو کرتے ہوئے بتایا کہ میں ڈیڑھ گھنٹہ قطار میں کھڑی رہی جب باری آئی تو بتایا گیا کہ آپ آٹے لینے کی اہل نہیں کیونکہ آپ پہلے ہی آٹا لے چکے ہیں جبکہ میرے گھر سے کوئی بھی آٹا لینے کے لیے نہیں آیا۔ایک معذورشہری نے بتایا کہ تین ماہ سے بستر سے لگا ہوا ہوں، مفت آٹے کے حصول کے لیے لائن میں لگا لیکن بتایا گیا کہ آپ آٹا سکیم سے فائدہ اٹھانے کے اہل نہیں ہیں، حالانکہ ہماری تو کوئی جائیدادیں بھی نہیں۔ شہریوں نے حکومت سے اپیل کی ہے کہ آٹے کے حصول کے لیے ہمیں اس طرح ذلیل نہ کیا جائے، اگر ریلیف دینا ہی ہے تو آٹے کی تقسیم کے لیے کوئی مناسب طریقہ کار بنایا جائے۔مائیں بہنیں بھی صبح سویرے سے لائنوں میں لگی ہوتی ہیں ، جب باری آتی ہے تو بتایا جاتا ہے کہ آپ اہل ہی نہیں ہیں۔شہریوں نے مزید کیا کہا ویڈیو میں ملاحظہ کیجئے :متعلقہ عنوان :
مزید اہم خبریں
-
مارکیٹ میں گندم کے نرخ 3 ہزار سے نیچے گر گئے
-
6 ججز کے خط پر اب تک اٹھائے جانیوالے اقدامات ناکافی، غیرمؤثر اور عدلیہ کے مستقبل کیلئے نہایت خطرناک ہیں
-
عام تعطیل کا اعلان
-
آسمانی بجلی اور طوفانی بارشوں نے تباہی مچا دی، متعدد افراد جاں بحق
-
وزیر اعظم نے کابینہ ڈویژن کے سرکاری کاغذات لیک ہونے کا نوٹس لے لیا
-
علی امین گنڈاپور کو چاہیے مستقل اڈیالہ جیل میں ہی شفٹ ہو جائیں
-
اسٹیٹ بینک کی جانب سے مقامی مارکیٹ سے 4 ارب ڈالرز سے زائد خریدے جانے کا انکشاف
-
پاکستان کو غزہ کی بڑھتی ہوئی صورتحال پر گہری تشویش ہے،وفاقی وزیردفاع خواجہ آصف
-
طالب علموں کو پتا ہونا چاہیے کہ کونسی حکومت ہائرایجوکیشن کے لئے مخلص ہے، گورنرپنجاب
-
قومی اسمبلی اجلاس، وزراء کی عدم شرکت پر اسپیکر قومی اسمبلی سردار ایاز صادق برہم
-
ایران کی صدر کے دورہ سے متعلق اپوزیشن کو اعتماد میں لیں گے،اسحاق ڈار
-
آزاد ویزہ پالیسی کا حامی ہوں ،چاہتا ہوں سکھوں کے لئے پاکستان کے ویزے آسان کردیئے جائیں ، محسن نقوی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.