فلم’ ’براہمسترا‘‘ ٹرائیولوجی کے دوسرے اور تیسرے پارٹ کی ریلیز کی تاریخوں کا اعلان کردیا گیا

بدھ 5 اپریل 2023 11:40

ممبئی(اُردو پوائنٹ اخبارتازہ ترین - این این آئی۔ 05 اپریل2023ء) بالی وڈ کی بلاک بسٹر فلم’ ’براہمسترا‘‘ ٹرائیولوجی کے دوسرے اور تیسرے پارٹ کی ریلیز کی تاریخوں کا اعلان کردیا گیا۔ فلمساز ایان مکرجی نے انسٹاگرام پر مداحوں کو خبر سے آگاہ کیا ہے جو فلم کے اگلے حصوں کی ریلیز کا بے چینی سے منتظر تھے۔

(جاری ہے)

انہوں نے لکھا کہ ’براہمسترا 1‘ کی کامیابی کے بعد میں نے پارٹ ٹو اور پارٹ تھری پر کام شروع کردیا ہے۔

ایان مکرجی کا کہنا تھا کہ اگلے حصوں کے اسکرپٹ کو بہتر کرنے کیلئے کچھ وقت لگے گا اور فلمی ناظرین نئے پارٹ کو پارٹ ون سے بھی زیادہ انجوائے کریں گے۔انہوں نے یہ انکشاف بھی کیا کہ دونوں حصوں کی شوٹنگ ایک ساتھ شروع کی جائے گی تاکہ ان کو قریب تاریخوں میں ریلیز کیا جاسکے۔فلمساز کے مطابق براہمسترا پارٹ 2 دسمبر 2026 جبکہ پارٹ 3 دسمبر 2027 کو ریلیز کی جائیں گی۔