کچھ بھی نہ کہا اورکہہ بھی گئی!

عمران خان کی گرفتاری پرریحام کا ردعمل آگیا

منگل 9 مئی 2023 19:55

لاہور (اُردو پوائنٹ اخبارتازہ ترین - این این آئی۔ 09 مئی2023ء) پاکستان تحریک انصاف کے چیئرمین و سابق وزیراعظم عمران خان کی گرفتاری پر انکی سابقہ اہلیہ ریحام خان نے نام لیے بغیر دلچسپ تبصرہ کیا ۔چیئرمین تحریک انصاف کی سابق اہلیہ ریحام خان نے ایک ٹوئٹ کی جس میں مختصراً لکھا کہ میں ایک خاص فیملی ایونٹ میں مصروف ہونے کے باعث کسی بھی تبصرے کے لیے دستیاب نہیں۔

(جاری ہے)

ریحام خان نے اس ذو معنوی ٹوئٹ میں نہ تو سابق شوہر عمران خان کا نام لیا اور نہ ہی ان کی گرفتاری کا ذکر کیا تاہم ٹوئٹر صارفین نے ان کی ٹوئٹ کو عمران خان کی گرفتاری سے جوڑتے ہوئے لکھا کہ یہ نظر انداز کرنے کا سب سے بہترین طریقہ ہے۔واضح رہے کہ ریحام خان اور عمران خان کی شادی جنوری 2015ء میں ہوئی تھی تاہم 10ماہ بعد ہی ان کی طلاق ہوگئی تھی۔ جس کے بعد گزشتہ برس دسمبر میں ریحام نے 13سال چھوٹے ماڈل مرزا بلال سے تیسری شادی کی۔ ریحام کی پہلی شادی 1990ء میں کی تھی جو 2005میں طلاق پر ختم ہوئی تھی۔