Live Updates

لاڑکانہ پولیس کا جرائم پیشہ افراد کے خلاف آپریشن، 5 ملزمان گرفتار، دو گمشدہ بچے برآمد

منگل 30 مئی 2023 21:50

لاڑکانہ (اُردو پوائنٹ اخبارتازہ ترین - اے پی پی۔ 30 مئی2023ء) ایس ایس پی لاڑکانہ ڈاکٹر محمد عمران خان کی ہدایات پر لاڑکانہ پولیس کی جانب سے جرائم پیشہ افراد اور منشیات فروشوں کو قانون کی گرفت میں لانے کے لیے مختلف علاقوں میں سرچ و کومبنگ آپریشن پانچ ملزمان گرفتار، اسلحہ٫منشیات،10 عدد چوری شدہ موبائل فونز، موٹر سائیکل اور دو گمشدہ بچے برآمد کر لئے گئے،تمام ڈی ایس پیز کی زیر نگرانی ضلع کے داخلی و خارجی راستوں پر اسنیپ چیکنگ جاری ہے،سچل پولیس نے تین مطلوب ملزمان اسد مستوئی،سجاد نوحانی اور پاکھر عرف طارق عرف جانی جتوئی کو دو عدد پسٹل اور گولیوں سمیت گرفتار کرلیا ہے۔

گرفتار ملزمان سے دوران تفتیش چوری شدہ 09عدد موبائل فونز اور موٹر بائیک برآمد کر کے اصل اونرز کے حوالے کردی گئیں ہیں۔

(جاری ہے)

حیدری پولیس کی کامیاب کاروائی ضلع قمبر شہدادکوٹ کے تھانہ قمبر کی حدود میں ممتاز بھٹو مرڈر کیس میں ملوث و مطلوب ملزم محمود مغیری گرفتار۔حیدری پولیس نے منشیات فروش ملزم نظر محمد جتوئی کو ایک کلو سے زائد (1100) گرام چرس سمیت گرفتار کرکے مقدمہ درج کرلیا ہے۔رحمت پور پولیس دو گمشدہ بچے 06 سالہ یامین اور 09 سالہ انیس کو کھوج کر ورثاء کے حوالے کردیا ہے۔ شہید DSP عبدالمالک بھٹو پولیس نے شہری مشاہداللہ کی چوری شدہ موبائل فون برآمد کرلی ہے۔گرفتار ملزمان سے تفتیش سمیت مزید ضابطے کی کاروائیاں جاری ہیں۔