کراچی،پیرآباد میں شوہر نے بیوی کو گولی مار کر قتل کردیا

بیوی کو خراب چال چلن کی وجہ سے قتل کیا،ملزم عبدالغنی کا ابتدائی بیان

جمعہ 22 ستمبر 2023 22:35

کراچی (اُردو پوائنٹ اخبارتازہ ترین - این این آئی۔ 22 ستمبر2023ء) کراچی میں پیر آباد میں شوہر نے بیوی کو گولی مار کر قتل کردیا، ملزم کو پولیس نے پستول سمیت گرفتار کرلیا ہے۔

(جاری ہے)

پولیس کے مطابق پیر آباد میں شوہر نے بیوی کو گولی مار کر قتل کردیا، قاتل شوہر عبدالنبی کو پستول سمیت گرفتار کرلیا گیا ہے۔مقتولہ کی شناخت گل رازا کے نام سے ہوئی ہے، ملزم عبدالنبی نے ابتدائی بیان میں مقتولہ پر الزام لگایا کہ اس نے بیوی کو خراب چال چلن کی وجہ سے قتل کیا۔خاتون کی لاش کو ضابطے کی کارروائی کے لیے عباسی شہید اسپتال منتقل کردیا گیا، پولیس واقعہ کا مقدمہ درج کررہی ہے۔