نگران وفاقی وزیر داخلہ سرفراز احمد بگٹی کی ژوب میں دہشت گردوں کے حملے کی شدید مذمت

ارض پاک پر موجود ایک ایک دہشت گرد اور ملک دشمن کا صفایا کریں گے،دہشت گردوں کی بزدلانہ کارروائیاں پاکستان میں امن اور خوشحالی کو سبوتاژ نہیں کرسکتیں، بیان

ہفتہ 30 ستمبر 2023 12:25

اسلام آباد (اُردو پوائنٹ اخبارتازہ ترین - این این آئی۔ 30 ستمبر2023ء) نگران وفاقی وزیر داخلہ سرفراز احمد بگٹی نے ژوب میں دہشت گردوں کے حملے کی شدید مذمت کرتے ہوئے کہا ہے کہ ارض پاک پر موجود ایک ایک دہشت گرد اور ملک دشمن کا صفایا کریں گے،دہشت گردوں کی بزدلانہ کارروائیاں پاکستان میں امن اور خوشحالی کو سبوتاژ نہیں کرسکتیں۔

(جاری ہے)

وزارت داخلہ سے جاری بیان کے مطابق نگران وفاقی وزیر داخلہ سرفراز احمد بگٹی نے کہا کہ پاک فوج کے جوانوں نے ٹی ٹی پی کے دہشت گردوں کی افغانستان سے پاکستان داخلے کی کوشش ناکام بنا دی،پاک فوج نے جوابی کارروائی میں 3دہشت گردوں کو جہنم واصل کیا۔

انہوں نے کہاکہ سکیورٹی فورسز کے جذبہ حب الوطنی کو پوری قوم خراج تحسین پیش کرتی ہے ،پاکستانی قوم اپنے فوجی جوانوں کے شانہ بشانہ کھڑی ہے ۔ وزیر داخلہ نے کہا کہ ارض پاک پر موجود ایک ایک دہشت گرد اور ملک دشمن کا صفایا کریں گے،دہشت گردوں کی بزدلانہ کارروائیاں پاکستان میں امن اور خوشحالی کو سبوتاژنہیں کرسکتیں،نگران وزیر داخلہ نے شہید ہونے والے جوانوں کے بلند درجات کیلئے دعا اورلواحقین سے دلی ہمدردی کا اظہار کیا۔