عوام کی عدالت سے خوفزدہ لوگ انتخابات سے فرار چاہتے ہیں، فیصل کریم کنڈی

کبھی حلقہ بندیوں، کبھی سردی کا بہانہ، کبھی معیشت کی راگنی مگر پاکستان پیپلزپارٹی آئین کے مطابق انتخابات کی تاریخ کا مطالبہ کرتی ہے، بیان

بدھ 4 اکتوبر 2023 02:30

اسلام آباد (اُردو پوائنٹ اخبارتازہ ترین - این این آئی۔ 04 اکتوبر2023ء) پاکستان پیپلزپارٹی کے سیکریٹری اطلاعات فیصل کریم کنڈی نے کہا ہے کہ عوام کی عدالت سے خوفزدہ لوگ انتخابات سے فرار چاہتے ہیں، کبھی حلقہ بندیوں، کبھی سردی کا بہانہ، کبھی معیشت کی راگنی مگر پاکستان پیپلزپارٹی آئین کے مطابق انتخابات کی تاریخ کا مطالبہ کرتی ہے۔اپنے بیان میں فیصل کریم کنڈی نے کہا کہ بلاول بھٹو آئے گا، روزگار لائے گا عوام کے دل کی آواز ہے کیونکہ پیپلزپارٹی وہ واحد جماعت ہے جو غریبوں کو روزگار دیتی ہے۔

(جاری ہے)

انہوں نے کہا کہ عوام کے سیاسی، سماجی اور معاشی مشکلات کا خاتمہ پیپلزپارٹی کا مشنور ہے۔ انتخابات میں عوام پیپلزپارٹی اور دیگر پارٹیوں کی حکومت کا موازنہ کریں گے۔ فیصل کریم کنڈی نے کہا کہ 2010ء کے خطرناک سیلاب کے باوجود نہ خوراک کی کمی ہوئی، نہ ہی ضروریات زندگی کی اشیا مہنگی ہوئیں۔ صدر آصف علی زرداری نے بینظیر انکم سپورٹ پروگرام کے ذریعے غریب خواتین کو سہارا دیا۔ سرکاری ملازمین کی تنخواہوں میں ریکارڈ اضافہ ہوا۔ صوبوں کو این ایف سی ایوارڈ ملا۔ انہوں نے کہا کہ چیئرمین پیپلزپارٹی بلاول بھٹو زرداری چاہتے ہیں کہ این آئی سی وی ڈی جیسے ادارے پورے ملک میں ہوں تاکہ عوام کو مفت علاج کی سہولیات میسر ہوں۔