کراچی،شہریوں کے پاس 50 ملین ڈالرز گھروں میں چھپائے جانے کا انکشاف

حساس اداروں نے غیر ملکی کرنسی کی خرید و فروخت میں ملوث افراد کی فہرستیں مرتب کرلیں

بدھ 4 اکتوبر 2023 12:42

کراچی(اُردو پوائنٹ اخبارتازہ ترین - این این آئی۔ 04 اکتوبر2023ء) حساس اداروں کے ذرائع کے مطابق کراچی کے شہریوں کی جانب سے پچاس ملین ڈالرز گھروں میں چھپانے کا انکشاف ہوا ہے۔رپورٹس کے مطابق حساس اداروں نے مختلف بینکوں اور منی چینجرز کا ریکارڈ حاصل کرلیا۔ امریکی ڈالر،غیر ملکی کرنسی کی خرید و فروخت میں ملوث افراد کی فہرستیں مرتب کرلی گئیں۔

ذرائع کے مطابق امریکی ڈالر،غیر ملکی کرنسی کی خرید و فروخت میں ملوث افراد کی فہرستیں مرتب کی گئی ہیں۔

(جاری ہے)

شہری غیرملکی کرنسی سرمایہ کاری کی غرض سیخرید کر ذخیرہ اندوزی میں ملوث ہیں۔ پچاس ملین سے زائد امریکی ڈالرز،دیگر غیر ملکی کرنسی چھپا رکھی ہے۔ فہرستوں میں لیاری، کھارادر،میٹھادر، صدر، باتھ آئی لینڈ، کلفٹن، ڈیفنس کے رہائشی شامل ہیں۔ فہرستوں میں شامل افراد کے گھروں پر ٹارگٹڈ کارروائیوں کا آغاز کردیا گیا ہے۔خیال رہے کہ ملک بھر میں ہنڈی حوالہ کیخلاف کریک ڈائون کا جاری ہے۔ جس کے نتیجے میں کئی کارروائیاں ہو چکی ہیں۔ خفیہ اطلاعات پر ایک ہفتے کے دوران کل 38 کارروائیاں کی گئیں جن کے نتیجے میں 21 ہزار 831 امریکی ڈالر قبضے میں لئے گئے جبکہ 39 مقدمات درج کیے گئے۔