12ستمبر سے سونے کی فی تولہ قیمت 15ہزار 500 روپے کم ہوگئی

سونے کی فی تولہ قیمت ایک لاکھ 99ہزار 500 روپے ہوگئی ہے،صرافہ ایسوسی ایشن کا سونے کی قیمتوں کو انٹربینک کے ساتھ منسلک کرکے ریٹ جاری کرنے کا فیصلہ

ثنااللہ ناگرہ منگل 10 اکتوبر 2023 18:32

12ستمبر سے سونے کی فی تولہ قیمت 15ہزار 500 روپے کم ہوگئی

کراچی (اردوپوائنٹ اخبارتازہ ترین ۔ 10 اکتوبر 2023ء) ملک میں گزشتہ 20دنوں میں سونے کی فی تولہ قیمت میں 15ہزار 500 روپے کی کمی ہوچکی ہے، صرافہ ایسوسی ایشن نے سونے کی قیمتوں کو انٹربینک کے ساتھ منسلک کرکے ریٹ جاری کرنے کا فیصلہ کیا ہے۔میڈیا کے مطابق پاکستان میں ڈالر کی تیزی سے گرتی ہوئی قدر کے باعث سونے کی قیمتوں میں بھی ہزاروں روپے کی کمی ہوگئی ہے۔

12ستمبر سے سونے کی فی تولہ قیمت 15 ہزار 500 روپے کم ہوئی ہے، جس کے بعد سونے کی فی تولہ قیمت ایک لاکھ 99 ہزار 500 روپے ہوگئی ہے۔ دس گرام سونے کی قیمت میں 13 ہزار 546 روپے کمی ہوئی، دس گرام سونے کی قیمت کم ہوکر ایک لاکھ 71 ہزار 39 روپے ہوگئی ہے۔عالمی مارکیٹ میں سونے کا بھاؤ 55 ڈالر کم ہوکر 1856 ڈالر فی اونس ہوگیا ہے۔دوسری جانب کراچی صرافہ ایسوسی ایشن نے سونے کی قیمتوں کو انٹربینک کے ساتھ منسلک کرکے ریٹ جاری کرنے کا فیصلہ کیا ہے۔

(جاری ہے)

دوسری جانب خیر ایجنسی کا کہنا ہے کہ عالمی میڈیا کے مطابق حماس اور اسرائیل میں جنگ کے بعد بین الاقوامی مارکیٹ میں سونے کی قیمت پر بھی اثر انداز ہوئی ہے اور قیمت پھر بڑھنے لگی ہے۔ عالمی منڈی میں منگل کوسونے کی فی اونس کی قیمت میں مزید 9 ڈالر اضافہ ہوگیا۔رپورٹ کے مطابق بین الاقوامی مارکیٹ میں9 ڈالر فی اونس اضافے کے بعد قیمت 1861 ڈالر پر پہنچ گیا۔

7 ستمبر سے اب تک سونے کی قیمت میں تقریبا 33 ڈالر فی اونس کا اضافہ ہوچکا ہے، بین الاقوامی مارکیٹ میں سونے کی قیمت 1828 ڈالرسے بڑھ کر 1861 ڈالر فی اونس پرپہنچ گئی ہے۔پاکستان میں چوبیس قیراط سونے کی قیمت دو لاکھ روپے فی تولہ سے اوپر پہنچ گئی ہے جبکہ دس گرام چوبیس قیراط سونے کی قیمت بھی دولاکھ کی قیب پہنچ گئی ہے۔ یاد رہے کہ اس سے قبل حکومتی اقدامات اور عالمی منڈی کے زیراثر کے بعد صرافہ بازاروں میں سونے کی قیمتوں میں کمی ریکارڈ کی گئی تھی۔