اے این ایف نے منشیات اسمگلنگ کے خلاف8 کارووائیوں میں 233 کلو منشیات برآمد کر کے 6 ملزمان کوگرفتار کر لیا

منگل 14 نومبر 2023 18:14

اسلام آباد (اُردو پوائنٹ اخبارتازہ ترین - این این آئی۔ 14 نومبر2023ء) اے این ایف نے منشیات اسمگلنگ کے خلاف8 کارووائیوں میں 233 کلو منشیات برآمد کر کے 6 ملزمان کوگرفتار کر لیا۔

(جاری ہے)

ترجمان اے این ایف کے مطاق 26 نمبر چونگی اسلام آباد پر 4 مختلف کارروائیوں میں 4 کلو 66 گرام منشیات برآمد کر لی ،کارروائی میں پشین کے رہائشی ملزم سے 900 گرام آئس برآمد کر لی ،دوسری کارروائی میں خیبر کے رہائشی ملزم سے 800 گرام آئس اور 250 گرام ہیروئن برآمد کرلی جبکہ تیسری کارروائی میں نوشہرہ کی رہائشی خاتون سے 2 کلو چرس برآمد کر لی ،چوتھی کارروائی میں خیبر کے رہائشی ملزم سے 116 گرام آئس اور ایک عدد پستول برآمد کر لیا گیا دیگر علامہ اقبال انٹرنیشنل ایئرپورٹ پر مسافر کے بیگ سے 1 کلو آئس برآمد کر کے ساہیوال کا رہائشی مٴْلزم پرواز نمبر PK-859 کے ذریعے سعودی عرب کیلئے روانہ ہو رہا تھا۔