ن لیگ سے بالکل ناراض نہیں اور نہ انہیں لاڈلا کہہ رہے ہیں، پیپلز ارٹی کے سینئر رہنماء خورشید شاہ

مسائل ہیں ان کا حل کسی ایک جماعت کے بس کی بات نہیں ،سب جماعتیں مل کر مسائل کا حل نکال سکتی ہیں،گفتگو

ہفتہ 18 نومبر 2023 23:20

ن لیگ سے بالکل ناراض نہیں اور نہ انہیں لاڈلا کہہ رہے ہیں، پیپلز ارٹی ..

اسلام آباد(اُردو پوائنٹ اخبارتازہ ترین - آن لائن۔ 18 نومبر2023ء) پاکستان پیپلزپارٹی کے سینئر رہنما اور قومی اسمبلی کے سابق اپوزیشن لیڈر خورشید شاہ نے کہا ہے کہ ہم ن لیگ سے بالکل ناراض نہیں اور نہ ہی انہیں لاڈلا کہہ رہے ہیں لیکن وہ خود ہی ایسا ظاہر کرنے کی کوشش کر رہے ہیں۔’ہم مسلم لیگ ن سے کیوں ناراض ہوں ہم ن لیگ سے بالکل ناراض نہیں ہیں، ہم ساتھ رہے ہیں اس لیے ن لیگ کو مشورہ دیتے ہیں۔

مسائل ہیں ان کا حل کسی ایک جماعت کے بس کی بات نہیں ،سب جماعتیں مل کر مسائل کا حل نکال سکتی ہیں۔سابق اپوزیشن لیڈر اور سینئر رہنما خورشید شاہ نے نجی ٹی وی کے پروگرام میںگفتگو کرتے ہوئے کہا ہے ’ن لیگ والے یہ جو خود کو لاڈلہ ظاہر کررہے ہیں جبکہ ہم نہیں کہہ رہے کہ یہ لاڈلے ہیں لیکن یہ خودایسا شو کرنے کی کوشش کر رہے ہیں۔

(جاری ہے)

اگر ہم لاڈلے بنتے تو بے نظیر شہید نہ ہوتیں، ذولفقار علی بھٹو پھانسی نہ چڑھتے، ہم نے گولیاں اور کوڑے کھائے ہیں ، خدا ہمیں اس وقت سے پناہ دے جب ہم کسی کے لاڈلے بنیں۔

انہوں نے ایک سوال کا جواب نواز شریف کا نام لئے بغیر کہا ہے کہ سابق وزیر اعظم کو آفیسرز نے سلیوٹ مارے، اٴْن کے لیے ریڈ کارپٹ بچھایا گیا، ہم نے دیکھا کہ اپوزیشن لیڈر بھی حکومت کے ساتھ کھڑا ہوگیا ہم نے جمہوریت بچانے کے لیے ہمیشہ ساتھ دیا، ہم نے ثابت کیا کہ ہم جمہوری ہیں۔انہوں نے کہا کہ ہم عوامی طاقت پر بھروسہ کرتے ہیں، سب کوچیلنج کرتا ہوں کہ ثابت کریں کہ پیپلز پارٹی نے کب کوئی کمٹمنٹ پوری نہیں کی۔

انہوں نے کہا کہ کون بنے کا کروڑ پتی یہ آگے پتا چلے گا۔رانا ثنا اللہ کی پریس کانفرنس سے متعلق سوال پر جواب دیتے ہوئے خورشید شاہ نے کہا کہ ’رانا ثنائ اللہ حقیقی سیاسی ورکر ہیں ، وہ درست کہتے ہیں کہ جھوٹے کیسز ختم ہونے چاہیں ، لیکن صرف یک طرفہ نہیں کیے جانے چاہیں بلکہ سب کے جھوٹے کیسز معاف کیے جائیں۔حالیہ ملکی مسائل سے متعلق بات کرتے ہوئے انہوں نے کہا کہ مہنگائی پی ٹی آئی دور میں شروع ہوئی ،اب جو نئی حکومت آئے گی اس کے پاس 5 سال کا مینڈیٹ ہو گا اورآئندہ بننے والی حکومت کو جوابدہ ہونا ہوگا۔