ایف بی آرایڈوانس ٹیکس لے لیتا ہے ، ریفنڈزکی بجائے آڈٹ کھول لیے جاتے ہیں‘ ٹیکس ایڈوائزرز

بدھ 22 نومبر 2023 12:00

لاہور(اُردو پوائنٹ اخبارتازہ ترین - این این آئی۔ 22 نومبر2023ء) پاکستان ٹیکس ایڈوائزر زایسوسی ایشن نے کہا ہے کہ ایف بی آر ایڈوانس ٹیکس لینا جانتا ہے ، ان پُٹ کی اجازت ہے لیکن جب ریفنڈز دینے کی باری آتی ہے تو آڈٹ کھول لیے جاتے ہیں،ایف بی آر نی158ارب کے ریفنڈز دئیے ہیں لیکن ابھی تک بڑی تعداد میں ٹیکس پیئر ز لائنوں میں لگے ہوئے ہیں۔

(جاری ہے)

ایسوسی ایشن کے صدر میاں عبدالغفار اورجنرل سیکرٹری خواجہ ریاض حسین نے ٹیکس بارز کے ممبران اور ٹیکس پریکسٹیشنرز سے ملاقات میں گفتگو کرتے ہوئے کہا کہ بروقت ریفنڈز نہ ملنے کی وجہ سے سرمائے کی بھی قلت پیدا ہو رہی ہے ،گزشتہ سال ایف بی آر نی113ارب کے ریفنڈز جاری کیے جو آٹے میں نمک کے برابر ہیں۔

انہوں نے کہا کہ ریفنڈز ٹیکس دہندگان کا حق ہے جو انہیں ملنا چاہیے ۔ انہوں نے کہا کہ ایف بی آر کے افسران اور عملے کے ناروا سلوک کی وجہ سے ٹیکس گوشواروں اور ٹیکس نیٹ میں اضافہ نہیں ہو رہا ،زمینی حقائق کے مطابق موجودہ حالات میں ٹیکس گوشواروں کی تعداد ایک کروڑ سے زیادہ ہونی چاہیے تھی جبکہ 30اکتوبر تک صرف 29لاکھ نے گوشوارے جمع کرائے گئے ۔