مسلم لیگ ن پورے پاکستان میں بھاری اکثریت سے جیتے گی، سید ذیشان شاہ

جمعہ 1 دسمبر 2023 22:03

اسلام آباد(اُردو پوائنٹ اخبارتازہ ترین - آن لائن۔ 01 دسمبر2023ء) سابق ڈپٹی مئیر و امیدوار این اے 46 پاکستان مسلم لیگ ن سید ذیشان شاہ نے کہا ہے کہ عام انتخابات 2024 کے لئے مسلم لیگ ن کی تیاریوں کا سلسلہ جاری ہے ،انشاء اللہ امید ہے مسلم لیگ ن پورے پاکستان میں بھاری اکثریت سے جیتے گی، اسلام آباد شہر کی ترقی اور عوام کی سہولیات کے لئے الیکشن لڑنے کا فیصلہ کیا ہے، اپنے حلقہ اور اسلام آباد کے عوام کی فلاح و بہبود کے کام کرنا اولین ترجیح ہے۔

اسلام آباد میں صحافیوں سے گفتگو کرتے ہوئے ذیشان شاہ نے کہا قائد مسلم لیگ ن نواز شریف، صدر شہباز شریف اور مریم نواز کی قیادت میں الیکشن میں جیت ملے گی۔اس وقت ہم نے اسلام آباد میں 160 ارب روپے کے ترقیاتی کام شروع کروائے۔مارگلہ ایونیو کی ایکسٹنشن اور انڈر پاس کی منظوری لی۔

(جاری ہے)

تمام قریبی آبادیوں کو مرکزی شاہراہوں سے منسلک کیا ہے، ذیشان شاہ نے کہا 35 کروڑ روپے کی لاگت سے سپورٹس انکلیو شاہ اللہ دتہ میں بنا رہے ہیں۔

روایتی اور ثقافتی کھیلوں کی ترویج کے لئے بھی منصوبے شروع کئے ہیں۔اولمپک سٹی کا قیام بھی اسلام آباد میں عمل میں لایا جارہا ہے ۔انہوں نے کہا سیاست کا مقصد عوام کی خدمت ہے۔عوام کی فلاح اور بہبود کے منصوبوں کو آگے بڑھایا جائے گا۔اسلام آباد کے مقامی لوگوں کے مسائل کا بھی ترجیح ہے۔پینے کے صاف پانی اور بنیادی سہولیات کی فراہمی ترجیح ہے۔