بلاول کو آصف زرداری سنجیدہ نہیں لیتے تو ہم کیسے لیں گے؟، جاوید لطیف

جس دن سابق صدر گفتگو کریں گے تو ان کو جواب بھی دیا جائے گا، سینئر لیگی رہنما کی گفتگو

دانش احمد انصاری ہفتہ 9 دسمبر 2023 23:53

بلاول کو آصف زرداری سنجیدہ نہیں لیتے تو ہم کیسے لیں گے؟، جاوید لطیف

لاہور (اُردو پوائنٹ اخبارتازہ ترین۔ 09 دسمبر2023ء) سینئر لیگی رہنما جاوید لطیف نے اپنے بیان میں کہا ہے کہ بلاول کو آصف زرداری سنجیدہ نہیں لیتے تو ہم کیسے لیں گے؟، انہوں نے نجی ٹی وی چینل اے آر وائے نیوز کے پروگرام میں گفتگو کرتے ہوئے کہا کہ جس دن سابق صدر گفتگو کریں گے تو ان کو جواب بھی دیا جائے گا۔ انہوں نے کہا کہ (ن) لیگ نے کبھی ریڈ لائن کراس نہیں لیکن پیپلز پارٹی کر چکی ہے، ہمارے لیے پیپلز پارٹی یا پی ٹی آئی مسئلہ نہیں ہے، ہم کہتے ہیں لیول پلیئنگ فیلڈ سب کیلیے ہونی چاہیے، کیا مسلم لیگ (ن) کو لیول پلیئنگ فیلڈ ملی ہے؟ ہمیں تو آج بھی لیول پلیئنگ فیلڈ نہیں ملی۔

جاوید لطیف نے کہا کہ خوشی ہے ذوالفقار بھٹو کا کیس انصاف کیلیے لگا ہے، کیا بلاول ہمارے انصاف کیلیے بھی 45 سال ہی چاہیں گے، کیا ہم 45 سال انتظار کریں کہ نواز شریف کو انصاف ملے گا۔

(جاری ہے)

جاوید لطیف نے کہا کہ آج بھٹو والا ماحول نہیں ہے اسی لیے نواز شریف کو بھی انصاف مل رہا ہے، کیا ووٹ کو عزت یہ تھی جو بلوچستان اسمبلی میں کیا گیا، ہمارا منہ کوئی کھلوائے نہ ہم اس قسم کی باتیں کرنا چاہتے ہیں، شاہنواز بھٹو کی ذوالفقار فورس سے بھی سب واقف ہیں۔

جاوید لطیف نے کہا کہ بے نظیر بھٹو کے بعد پیپلز پارٹی قیادت کو کیسے انصاف ملا سب کو پتا ہے، جسٹس شوکت صدیقی کا کیس لگا ہے سارا کچھ سامنے آ جائے گا۔ ان کا کہنا تھا کہ صادق اور امین کے سرٹیفکیٹ 190 ملین پاؤنڈ اسکینڈل والوں کو دیے گئے، مجرم اپنی جگہ ہے جو غلطیاں کروا رہا ہے لیکن غلطی کرنے والے کا بھی ضمیر ہے، فیصلہ دینے والے بھی اتنے ہی مجرم ہیں جتنا دلوانے والے ہیں۔