اڈیالہ جیل میں گاڑی لے جانے کی اجازت نہ ملی ،50 سال ہوگئے وکالت کرتے ہوئے ایسا تماشا کبھی نہیں دیکھا: لطیف کھوسہ

پیر 11 دسمبر 2023 16:43

راولپنڈی (اُردو پوائنٹ اخبارتازہ ترین - این این آئی۔ 11 دسمبر2023ء) اڈیالہ جیل کے اندر گاڑی لے جانے کی اجازت نہ ملنے پر وکیل لطیف کھوسہ واپس روانہ ہو گئے اور کہاہے کہ وکیل لطیف کھوسہ نے کہا کہ 50 سال ہوگئے وکالت کرتے ہوئے ایسا تماشا کبھی نہیں دیکھا، اسلام آباد ہائی کورٹ میں 12 بجے پیش ہونا ہے، میری طبیعت بھی خراب ہے۔

(جاری ہے)

انہوں نے کہا کہ میں ان کا ملازم نہیں اتنی دیر جیل کے باہر انتظار کروں، اس کیس کو الگ کر کے ان کی انا کی تسکین ہوگئی حالانکہ کیس 13 دسمبر کو لگنا تھا۔

لطیف کھوسہ نے کہا کہ ذوالفقار علی بھٹو کے وقت بھی گاڑی کو جیل میں لے جانے کی اجازت تھی، اگر انہوں نے کوئی نیا قانون بنایا ہے تو اس طرح عدالت میں پیش نہیں ہوں گے۔انہوںنے کہاکہ مجھے کوئی عدالت میں جانے ہی نہیں دے رہا، کس طرح پیش ہوں، رات کو 8 بجے مطلع کیا گیا صبح پیش ہوں۔ انہوںنے کہاکہ میری اہلیہ ہسپتال میں داخل ہے۔