sمسلم لیگ ن کے الیکٹبلز کی پارٹی میں شمولیت کیلئے رابطے

شہبازشریف کا سابق وفاقی وزیر سلیم سیف اللہ سے بھی رابطہ ، پارٹی میں شمولیت کی دعوت ں* ساتھیوں سے مشاورت کے بعد آگاہ کروں گا،سلیم سیف اللہ نے جواب کیلئے وقت مانگ لی

منگل 26 دسمبر 2023 20:40

+اسلام آباد(اُردو پوائنٹ اخبارتازہ ترین - آن لائن۔ 26 دسمبر2023ء) عام انتخابات 2024ء کے لئے مسلم لیگ ن کی جانب سے الیکٹبلز کی پارٹی میں شمولیت کیلئے رابطے جاری ہیں ۔ذرائع کے مطابق مخدوم فیصل صالح حیات کے بعد ن لیگ نے سابق وفاقی وزیر سلیم سیف اللہ سے بھی رابطہ کیا ہے ۔

(جاری ہے)

سابق وزیراعظم و صدر مسلم لیگ ن شہباز شریف نے سینئر سیاستدان سلیم سیف اللہ کو ٹیلیفون کیا اور انہیں پارٹی میں شمولیت کی دعوت دی ہے ۔

ذرائع کا کہناہے کہ شہباز شریف کے رابطے پر سلیم سیف اللہ نے جواب دینے کے لیے وقت مانگ لیا انہوں نے کہا ساتھیوں سے مشاورت کے بعد آگاہ کروں گا۔سلیم سیف اللہ نے تصدیق کی ہے کہ شہباز شریف نے مسلم لیگ ن میں شمولیت کی دعوت دی ہے۔سلیم سیف اللہ این اے 41 سے قومی اسمبلی کے آزاد امیدوار ہیں۔