مسلم لیگ نے پیلی ٹیکسی کا نعرہ لگایا ناکام ہوا ،پی پی نے روٹی کپڑا مکان کے نام پر عوام کودھوکہ دیا ،عبدالغفورحیدری

قلات (اُردو پوائنٹ اخبارتازہ ترین - این این آئی۔ 29 جنوری2024ء) جمعیت علماء اسلام کے مرکزی سیکریٹری جنرل این اے 261 سے نامزد امیدوار سینیٹر مولانا عبدالغفورحیدری نے کہا ہے کہ مسلم لیگ نے پیلی ٹیکسی کا نعرہ لگایا ناکام ہوا پاکستان پیپلز پارٹی نے روٹی کپڑا مکان کے نام پر عوام کودھوکہ دیا ،فتنہ خان نے ایک کروڑ ملازمتیں پچاس لاکھ گھر بنا کر دینے کا علان وہ بھی فراڈ نکلا ،چند سردار علماء اور مدارس کی توحقین کررہے ہیں جو ناقابل برداشت ہے جسکو اختلاف ہے وہ ذاتی طور پر اختلاف کر سکتے ہیں مگر علماء اور مدارس کی توحقین قبول نہیں ،عوام 8 فروری کو ان لٹیروں ڈاکوؤں کا محاسبہ کرے اور کتاب پر ٹھپہ لگا کرجمعیت علماء اسلام کے امیدواروں کو بھاری اکثریت سے کامیاب بنانے ہم ملک کو اسلامی فلاحی ریاست بنانا چاہتے ہیں جہاں تمام لوگوں کو یکساں حقوق میسر ہوتے ہیں ۔

(جاری ہے)

ان خیالات کا اظہار انہوں نے قلات میں ایک گرینڈ شمولیتی جلسے سے خطاب اور میڈیا سے بات چیت گفتگو کرتے ہوئے کیا ۔اس موقع جمعیت علماء اسلام کی پر پی بی36 سے نامزد امیدوار سردارزادہ میرسعیدجان لانگو آغا عتیقء الرحمن شاہ حافظ محمد قاسم لہڑی مولانا عبدالعزیز مینگل عبد القدوس عباس اور دیگر نے خطاب کرتے ہوئے کہا کہ جمعیت علماء اسلام اقتدار میں آکر ملک کو اسلامی فلاحی ریاست بنائے گی جمعیت علماء اسلام نے ملک کو ایک متفقہ آئین دیا ۔

انہوں نے کہا کہ سیکولر قوتیں ملک کے اسلامی آئین کو تبدیل کرنے کی کوششیں کررہی ہے ۔انہوں نے کہا کہ بدامنی اور سردی کے باوجود اپنے حلقوں میں الیکشن کمپئین میں مصروف ہے 2018 کی تاریخ دھرائی گئی تو مزاحمت کریں گے ۔انہوںنے کہاکہ جمعیت علماء اسلام میں شامل ہونے والوں کو خوش آمدید کہتا ہوں ۔مولانا عبدالغفورحیدری نے کہا کہ ووٹ کی طاقت سے اپنے ملک وعلاقے کی تقدیر بدل دیں گے ۔

انہوں نے کہا کہ جمعیت علماء اسلام نے متفقہ طور پر قادیانیوں کو غیر مزہب قرار دیا صوبوں کی خودمختاری آٹھارویں آئینی ترمیم پر عملدرآمد سے ممکن ہوگا اٹھارویں ترمیم سے مکمل صوبوں کو حق تو نہیں ملے البتہ صرف اشک شوئی ہوئی ۔انہوں نے کہا کہ ساحل وسائل اور معدنی ذخائر پر یہاں کے رہنے والی اقوام کا حق ہے ۔انہوں نے کہا کہ فیملی لاز ترمیم میں ہم رکاوٹ بنے رہے کیونکہ شریعت سے متصادم تھی مذہبی امور کمیٹی نے میری سربراہی میں اسلام سے متصادم کئی بلوں کو واپس کردی اگر آئین پر عملد درآمد ہوتا تو یہ ملک اسلامی فلاحی ریاست کا منظر پیش کررہا ہوتا ہماری تحریک کے نتیجے میں عمران خان کی حکومت زمین بوس ہوگئی اور ملک تباہی سے بچ گیا ، اس ملک کی اسلامی تشخص کو برقرار رکھنے کیلئے جمعیت علماء اسلام کی کوششوں سے انکار نہیں کیا جاسکتا روٹی کپڑا اور مکان ایک فریب اور فراڈ ہے ایک کروڑ نوکریوں کا اعلان اور 50 لاکھ گھر بھی فراڈ ثابت ہوا ہماری تہذیب اور کلچر کو ختم کرنے کی کوششیں ہورہی ہے مسلم لیگ نے پیلی ٹیکسی کا نعرہ لگایا مگر وہ ناکام ہوگئے پیپلز پارٹی نے بیس سالوں روٹی کپڑا مکان کے نام پر قوم کو دھوکا دیا ہے۔