عام انتخابات 2024ء، اے این پی کی جانب سے انتخابی مہم جاری، درجنوں افراد کی پارٹی میں شمولیت

پشاور (اُردو پوائنٹ اخبارتازہ ترین - اے پی پی۔ 02 فروری2024ء) جمعہ کو پشاور کے علاقے مریم زئی میں انتخابی مہم کے سلسلے میں اے این پی کے زیراہتمام کارنر میٹنگ اور شمولیتی تقریب کا انعقاد ہوا ۔ تقریب میں مختلف سیاسی جماعتوں سے درجنوں افراد نے خاندانوں سمیت عوامی نیشنل پارٹی میں شمولیت اختیار کی۔تقریب سے اے این پی کے صوبائی سینئر نائب صدر و امیدوار پی کے 76 خوشدل خان ایڈوکیٹ، رکن صوبائی کونسل غضنفر علی خان، سابق صوبائی امیدوار عبدالحفیظ ایڈوکیٹ اور دیگر ذمہ داران نے خطاب کیا اور نئے شامل ہونے والوں کو خوش آمدید کہا۔

دوسری طرف پشاور کے ارمڑ میانہ میں (حجرہ ملک فضل معبود خان) میں انتخابی مہم کے سلسلے میں کارنر میٹنگ کا انعقاد ہوا جس میں اے این پی کے صوبائی نائب صدر و امیدوار این اے 29 ثاقب اللہ خان چمکنی، امیدوار پی کے 75 ارباب عثمان خان، صدر احسان اللہ اور ملک ابرار خان سمیت کثیر تعداد میں ذمہ داران و کارکنان نے شرکت کی۔

(جاری ہے)

انتخابی مہم کے سلسلے میں ٹیلہ بند پشاور میں کارنر میٹنگ کا انعقاد ہوا جس میں اے این پی کے صوبائی سینئر نائب صدر و امیدوار پی کے 76 خوشدل خان ایڈوکیٹ، رکن صوبائی کونسل غضنفر علی خان اور دیگر ذمہ داران سمیت کثیر تعداد میں کارکنان نے شرکت کی عام انتخابات کی تیاریوں کے سلسلے میں تورڈھیر نوشہرہ پی کے 85، این اے 34 میں ایمل سالار کی رہائشگاہ پر خواتین کا اجلاس منعقد ہوا جس میں عوامی نیشنل پارٹی کی صوبائی سیکرٹری یوتھ افیئرز ثناء گلزار ایڈوکیٹ نے شرکت کی ۔

لوئر دیر میں عام انتخابات کی تیاریوں کے سلسلے میں یونین کونسل نوره خيل (نگری پائیں) میں کارنر میٹنگ کا انعقاد ہوا جس میں عوامی نیشنل پارٹی کے مرکزی ترجمان و امیدوار این اے 7 زاہد خان خان، ضلعی سینئر نائب صدر و امیدوار پی کے 16 ملک سجاد خان، یونین کونسل نورہ خیل صدر ناصر سعيد الله اتمان اور دیگر ذمہ داران نے شرکت کی۔ ضلع کرک تحصیل بانڈہ داؤد شاہ عیسک خماری (یوسی ٹیری) میں انتخابی جلسہ ہوا ۔

جلسہ سے امیدوار پی کے 97 گل صاحب خان خٹک، سینئر رہنما فرید طوفان، عثمان خٹک اور دیگر نے خطاب کیا۔ کرک سٹی میں علی باز خان کی زيرصدارت شمولیتی تقریب منعقد ہوئی جس میں مختلف سیاسی جماعتوں کے کارکنان نے عوامی نیشنل پارٹی میں شمولیت اختیار کی۔ تقریب سے امیدوار این اے 38 (کرک) حامد طوفان خان، نور غفار، عبدالرحمن خان اور دیگر نے خطاب کیا اور نئے شامل ہونے والوں کو خوش آمدید کہا۔

مردان گوجرگڑھی میں بھی گرینڈ شمولیتی تقریب منعقد ہوئی جس میں ملک اعجاز خان، تحصیل تخت بھائی اور مردان سے پیپلزپارٹی کے عہدیداران و ذمہ داران عوامی نیشنل پارٹی میں شامل ہوگئے۔ شمولیتی تقریب سے عوامی نیشنل پارٹی کے مرکزی سینئر نائب صدر و نامزد امیدوار این اے 22، پی کے 58 مردان امیرحیدرخان ہوتی نے خطاب کیا اور شامل ہونے والوں کا خیر مقدم کیا۔تخت بھائی ٹکر میں ایک اور شمولیتی تقریب میں یعقوب خان خاندان اور ساتھیوں سمیت پیپلزپارٹی سے مستعفی ہو کر عوامی نیشنل پارٹی میں شامل ہوگئے۔ مرکزی سینئر نائب صدر و نامزد امیدوار این اے 22، پی کے 58 مردان امیرحیدرخان ہوتی اور دیگر ذمہ داران نے انہیں خوش آمدید کہا۔