جنرل الیکشنز 2024 کے حوالے سے راولپنڈی پولیس کا ضلع بھر میں فلیگ مارچ

راولپنڈی(اُردو پوائنٹ اخبارتازہ ترین - این این آئی۔ 05 فروری2024ء) جنرل الیکشنز 2024 کے حوالے سے راولپنڈی پولیس کا ضلع بھر میں فلیگ مارچ نکالا گیا،راولپنڈی پولیس، پاک فوج، رینجرز اور دیگر قانون نافذ کرنے والے اداروں نے فلیگ مارچ میں حصہ لیا، فلیگ مارچ کی سپر ویژن سی پی اوراولپنڈی، ایس ایس پی آپریشنز،ڈویژنل ایس پیز اور دیگر سینئر افسران نے کی، سینئر افسران کی قیادت میں حلقہ این اے 51,52,53,54,55,56,57میں الگ الگ فلیگ مارچ کیے گئے ہیں ،فلیگ مارچ کا مقصد الیکشنز 2024 کے پر امن انعقاد کے عزم کا اظہار ہے، الیکشن 2024 کے لئے راولپنڈی پولیس کے 9500 سے زائد افسران سیکورٹی ڈیوٹی سر انجام دیں گے،580 اے، 980 بی اور 1221 سی کیٹیگری کے پولنگ سٹیشنوں پر سیکورٹی تعینات ہو گی، شہر بھر کو سیکورٹی گشت کے حوالے سے 280 کلسٹرز میں تقسیم کیا گیا ہے، اسلحہ کی نمائش پر مکمل پابندی ہو گی، الیکشن کمیشن کے جاری کردہ ضابطہ اخلاق پر عملدرآمد ہر صورت یقینی بنایا جائے گا، امن و امان میں خلل ڈالنے کی کوشش کرنے والوں سے آہنی ہاتھوں سے نمٹا جائے گا،سی پی او سید خالد ہمدانی ۔

(جاری ہے)

تفصیلات کے مطابق جنرل الیکشنز 2024 کے حوالے سے راولپنڈی پولیس نے ضلع بھر میں فلیگ مارچ کیا،راولپنڈی پولیس، پاک فوج، رینجرز اور دیگر قانون نافذ کرنے والے اداروں نے فلیگ مارچ میں حصہ لیا، فلیگ مارچ کی سپر ویژن سی پی اوراولپنڈی سید خالدہمدانی، ایس ایس پی آپریشنزفلائٹ لیفٹیننٹ (ر) حافظ کامران اصغر،ڈویژنل ایس پیز اور دیگر سینئر افسران نے کی، سینئر افسران کی قیادت میں حلقہ این اے 51,52,53,54,55,56,57میں الگ الگ فلیگ مارچ کیے گئے ہیں ،فلیگ مارچ کا مقصد الیکشنز 2024 کے پر امن انعقاد کے عزم کا اظہار ہے،سی پی اوسید خالدہمدانی کا کہناتھاکہ الیکشن 2024 کے لئے راولپنڈی پولیس کے 9500 سے زائد افسران سیکورٹی ڈیوٹی سر انجام دیں گے،580 اے، 980 بی اور 1221 سی کیٹیگری کے پولنگ سٹیشنوں پر سیکورٹی تعینات ہو گی، شہر بھر کو سیکورٹی گشت کے حوالے سے 280 کلسٹرز میں تقسیم کیا گیا ہے،مری روڈ، مال روڈ، اہم مقامات اور تنصیبات کے قریب ایلیٹ کمانڈوز گشت کریں گے، پاک فوج اور رینجرز کوئیک رسپانس فورس بھی اہم مقامات پر پٹرولنگ کے فرائض سر انجام دیں گے، پولیس کوئیک رسپانس کے دستے شہر بھر میں گشت کریں گے اور ضرورت پڑنے پر فوری رسپانس کریں گے، پولنگ میٹیریل کی بحفاظت ترسیل کے لئے خصوصی سیکورٹی انتظامات کئے گئے ہیں، پولنگ سٹیشنز پر کیمرے لگائے جا رہے ہیں، تمام افسران فیلڈ میں موجود رہ کر مسلسل سیکورٹی انتظامات کی نگرانی کریں گے، اسلحہ کی نمائش پر مکمل پابندی ہو گی، الیکشن کمیشن کے جاری کردہ ضابطہ اخلاق پر عملدرآمد ہر صورت یقینی بنایا جائے گا، امن و امان کو یقینی بنانے کے لئے مربوط و فول پروف سیکورٹی پلان ترتیب دیا گیا ہے، پولیس ہیڈکوارٹرز میں خصوصی کنٹرول روم کے ذریعے امن و امان کی صورتحال کی مسلسل مانیٹرنگ کی جائے گی، الیکشن کا پر امن انعقاد اولین ترجیح ہے، شہریوں کے جان و مال کی حفاظت کو یقینی بنایا جائے گا، کسی بھی قانون شکنی کو برداشت نہیں کیا جائے گا، امن و امان میں خلل ڈالنے کی کوشش کرنے والوں سے آہنی ہاتھوں سے نمٹا جائے گا،الیکشن 2024 کے پر امن انعقاد کو یقینی بنانے کے لئے تمام وسائل بروئے کار لائے جا رہے ہیں۔