این اے 11 شانگلا، پی ٹی آئی کارکنوں کا پولیس فائرنگ سے 2 افراد جاں بحق، 10 زخمی ہونے کا دعویٰ

جمعہ 9 فروری 2024 23:00

شانگلہ (اُردو پوائنٹ اخبارتازہ ترین - این این آئی۔ 09 فروری2024ء) پاکستان تحریک انصاف کے کارکنوں نے این اے 11 شانگلہ میں پولیس کی فائرنگ سے 2 افراد جاں بحق اور 10 کے زخمی ہونے کا دعویٰ کیا ہے۔

(جاری ہے)

دوسری طرف شانگلا پولیس نے بتایا کہ مظاہرین نے پولیس پر فائرنگ کی، جس میں ایک شخص جاں بحق ہوا ہے، اس حملے میں 2 پولیس اہلکار زخمی بھی ہوئے ہیں۔پولیس کے مطابق آزاد امیدوار حاجی سید فرین کے حامی مظاہرین نے ڈسٹرکٹ ریٹرننگ آفس اور پولیس اسٹیشن پر پتھرائو کیا۔پولیس کے مطابق مظاہرین نے سرکاری گاڑی نذر آتش کی، جس کے بعد انہیں منتشر کرنے کیلئے شیلنگ کی گئی جبکہ 10 سے زائد مظاہرین کو گرفتار کرلیا گیا ہے۔