بہاولپور، انتخابات کے نتائج میں تبدیلی کے خلاف تحریک انصاف کاڈی سی آفس چوک پر احتجاج

بہاول پور(اُردو پوائنٹ اخبارتازہ ترین - آن لائن۔ 09 فروری2024ء) انتخابات کی نتائج میں تبدیلی کے خلاف پاکستان تحریک انصاف کاڈی سی آفس چوک پر احتجاج‘پاکستان تحریک انصاف کے سینکڑوں مردوخواتین نے انتخابی نتائج تبدیل کرنے کے خلاف شدیداحتجاج کیا پولیس نے ہنگامی صورتحال سے نمٹنے کے لئے اضافی نفری طلب کرلی بڑی تعدادیں آنسوگیس کے شیلزبھی منگوالئے تفصیل کے مطابق گذشتہ روز پاکستان تحریک انصاف کے امیدوارواضح اکثریت سے جیت چکے تھے ان کے نتائج تبدیل کرکے ان کی جگہ ن لیگ کے امیدواروں کی جیت کا اعلان کردیاجس پرپاکستان تحریک انصاف بہاول پورشہرکے ہزاروں کی تعدادمیں مردوخواتین نے حکومت کی جانب سے اس دھاندلی کے کے خلاف ڈی سی آفس چوک پر احتجاجی مظاہرہ شروع کردیا اورمطالبہ کیا کہ جب تک انتخابی نتائج تبدیل نہیں ہونگے یہ احتجاج جاری رہے گا اس موقع پر پولیس کی بھاری تعدادمیں موجودتھی پولیس نے ہنگامی صورتحال سے نپٹنے کیلئے اضافی نفری طلب کر لی اوربڑی تعداد میں آنسو گیس کے شیل بھی منگوا لیے گئے ۔

(جاری ہے)

اس موقع پر مقررین نے کہا آراووز کی دھاندلی انتخابی نتائج کی تبدیلی کسی صورت قبول نہیں کریں گے آراووز دفتروں میں بیٹھ کرانتخابی نتائج تبدیل کرتے رہے چالیس چالیس ہزارووٹوں کی دھاندلی کرنے پرمعاف نہیں کیاجائیگاعمران خان کے مینڈیٹ کوچرانے نہ دیں گے انصاف پرمبنی فیصلہ تک ہماراحتجاج جاری رہے گا ہمارے پاس مکمل فارم 45 موجودہیں جبکہ ہماری مخالفین مشکل سے 10 پولنگ اسٹیشن جیتے ہیں سمیع اللہ چوہدری نے کہاکہ آراووز کی دھاندلی اورانتخابی نتائج کی تبدیلی کسی صورت قبول نہیں کی جائیگی انہوں نے کہاکہ ایسی جمہوریت پرکون یقین کریگا ہم عوام کے ووٹوں پر ڈکیتی نہیں ڈالنے دیں گے ہم اپناپرامن آئینی اورجمہوری احتجاج جاری رکھے گے ہم پرامن لوگ ہیں اورپاکستان تحریک انصاف کے کامیاب امیدوار ہیں اسی خدشہ کے پیش نظر ہم یہ کہتے تھے کہ انتظامیہ کے لوگ آراووزنہ ہوں اور ہ نادیدہ قوتوں کے آلہ کاربنے ہوئے ہیں اسی لئے وہ جیتے ہوئے امیدواروں کوہرانے میں لگے ہوئے ہیں اس فیصلہ کوقوم تسلیم نہیں کریگی میری ارباب اختیار چیف جسٹس سپریم کورٹ اسلام آباد سے اپیل ہے کہ آپ اپنی آئینی زمہ داری سنبھالی اورایسے کام کی اجازت نہ دیں اورایسے کام پرخاموشی اختیار نہ کریں جودفتروں میں بیٹھ کر رزلٹ تبدیل کئے جارہے ہیں عوام نے کھلے عام پی ٹی آئی کوووٹ دیئے ہیں عوام اس کی حفاظت بھی کریگی اورعمران خان کامینڈیٹ نہ چرایاجائے ہمارے پاس فارم 45 ہیں اوریہ تمام فارم ہم میڈیاکے سامنے رکھیں گے ہزاروں ووٹوں کی برتری پرہم شب خون نہیں مارنے دیں گے پوری قوم نے عمران خان کیلئے فیصلہ دیدیاہے ووٹرزاپنی مددآپ کے تحت باہرنکلے اورعمران خان کے امیدواران کوکامیاب کرایا میں اپنی مثال دیتاہوں این اے 168 پر292 پولنگ اسٹیشن تھے اوران کے 292 فارم45 ہمارے پاس موجودہیں ہمارے مخالفین آٹھ سے دس پولنگ اسٹیشن مشکل سے جیتے ہیں اورانشااللہ تعالی ہم اپناحق لیں گے ہمارااحتجاج اس وقت جاری رہے گاجب تک یہ انصاف پر مبنی فیصلہ نہیں دیتے ہیں