آزاد امیدواروں کو کیسے کنٹرول کیا جائے، پی ٹی آئی نے حکمت عملی بنالی

پیر 12 فروری 2024 22:01

اسلام آبا د(اُردو پوائنٹ اخبارتازہ ترین - آن لائن۔ 12 فروری2024ء) آزاد امیدواروں کو کیسے کنٹرول کیا جائی پی ٹی آئی نے حکمت عملی بنالی، پاکستان تحریک انصاف نے تمام آزاد امیدواروں سے بیان حلفی لینے کا فیصلہ کرلیا، دو دن تک تمام امیدواران بیان حلفی جمع کرائے، پی ٹی آئی نے دیگر آزاد امیدواروں کو ساتھ ملانے کا بھی فیصلہ کرلیا۔

(جاری ہے)

زرائع کے مطابق بیرسٹر گوہر خان نے عمیر نیازی کو ٹاسک دے دیا حلف لے کر بتایا جائے کہ کسی پارٹی میں شمولیت اختیار نہیں کرینگے، صرف بانی چیئرمین پی ٹی آئی کی بتائی ہوئی پارٹی کیساتھ اتحاد کرینگے، تمام منتخب آزاد ایم این ایز دو دنوں تک بیان حلفی جمع کرائے، عمیر نیازی تمام دیگر آزاد امیدواروں کو ساتھ ملانے کیلیے بات چیت کرینگے، ایک نیوز نے بیان حلفی لینے کے بارے میں ایک دن پہلے ہی خبر دی تھی۔

این اے 38 کرک سے شاہد خٹک کا حلف نامہ سامنے آگیا، حلف نامے کیمتن میں کہا گیا ہے ن لیگ، پی پی پی سمیت کسی پارٹی کو جوائن نہیں کرونگا، شاہد خٹک نے کہا عمران خان کے حکم پر کسی بھی سیاسی جماعت کو جوائن کرونگا، میں حلف لیتا ہوں کہ عمران خان اور پارٹی سے وفادار رہونگا۔