نوازشریف کی قیادت میں وفا، خدمت، ترقی و خوشحالی کا سفرجاری رہے گا‘برجیس طاہر

سانگلہ ہل (اُردو پوائنٹ اخبارتازہ ترین - این این آئی۔ 14 فروری2024ء) مسلم لیگ (ن) کے مرکزی رہنما و نومنتخب رکن قومی اسمبلی برجیس طاہر نے کہا ہے کہ حالیہ، عام انتخابات 2024 جس جاں فشانی اور بھرپور انداز میں میرے بھائیوں، بہنوں، بیٹیوں، بزرگوں،سب سے بڑھ کر نوجوانوں اور پاکستان مسلم لیگ (ن) کے کارکنان و عہدیداران نے 93ہزار سے زائد ووٹوں کے ذریعے مجھ پر بھرپور و تاریخی اعتماد کا اظہار کیا اس پر میں آپ سب کا اور اللہ پاک کا شکر ادا کرتا ہوں اور ہمیشہ کی طرح احسان مند ہوں۔

انہوں نے کہاکہ گزشتہ، 1.4سالہ پی ڈی ایم کے دور حکومت میں حلقہ این اے 111(سانگلہ ہل، شاہکوٹ، واربرٹن و چکوک)میں جاری عملی مختلف میگا ترقیاتی پراجیکٹس، جن میں (1) سانگلہ ہل تا ساہیانوالہ ایکسپریس وے کی تعمیر،پنجاب یونیورسٹی کیمپس، سانگلہ ہل کا قیام،ووکیشنل انسٹیٹیوٹ کو انجینیرنگ یونیورسٹی کا درجہ۔

(جاری ہے)

سانگلہ انٹرچینج تا شاہکوٹ دورویہ سڑک کی تعمیرسانگلہ ہل فلائی اوور برج کا قیام ۔

پولی ٹیکنیک کالج کو یونیورسٹی کا درجہ، باقی ماندہ گلیوں/بازار میں سوئی گیس کی فراہمی/کراسنگ ۔دیگر گراس روٹ لیول ترقیاتی کام کے علاوہ تحصیل شاہکوٹ شاہکوٹ میں پنجاب یونیورسٹی کیمپس کا قیام ۔ شاہکوٹ تا ننکانہ صاحب دورویہ سڑک کی تعمیر،شاہکوٹ میں پاسپورٹ آفس کا قیام شاہکوٹ سٹی میں بائی پاس کا قیام ،شاہکوٹ میں ڈیول سرکلر روڈ کی تعمیر، ووکیشنل انسٹیٹیوٹ آف ٹیکنالوجی فار گرلز کا قیام، انٹرنیشنل لیول کرکٹ اسٹیڈیم کا قیام ۔

باقی ماندہ گلیوں/بازار میں سوئی گیس کی فراہمی/کراسنگ کے علاوہ گراس روٹ لیول ترقیاتی کام کئے ۔برجیس طاہر نے کہا کہ واربرٹن و چکوک میں واقع تارے گڑھ کے مقام پر واربرٹن انٹرچینج کا قیام واربرٹن بوائز اور ڈگری کالج کا قیام واربرٹن میں نادرا آفس کا مستقل قیام واربرٹن میں نکاسی آب کے مسئلہ کا حل واربرٹن میں سٹیڈیم اور جمنیزیم کا قیام ،فیروز وٹواں تا واربرٹن دورویہ سڑک کی تعمیر شامل ہے۔

انہوں نے کہا کہ 01چک تا 20چک تک دورویہ سڑک کی تعمیر ،باقی ماندہ گلیوں/بازار میں سوئی گیس کی فراہمی/کراسنگ ۔دیگر گراس روٹ لیول ترقیاتی کام سرفہرست ہیں ۔انہوں نے کہا کہ درج بالا، تمام میگا ترقیاتی منصوبوں کو بغیر کسی سیاسی انتشار/رکاوٹ کے مکمل اور کسی بھی پلیٹ فارم پر ہر قسم کے تعاون اور معاونت کی یقین دہانی کی جاتی ہے تاکہ حلقہ کے عوام کو بہتر سے بہترین سہولیات زندگی میسر ہو سکیں۔

برجیس طاہر نے کہا کہ کسی بھی فرد یا سیاسی جماعت کے منشور کی اولین ترجیح عوام کی فلاح و بہبود اور خوشحالی کے روشن مواقع فراہم کرنا ہے خواہ اسکا تعلق کسی بھی جماعت سے ہو ۔ عام انتخابات 2018 تقریباً 04سالہ فسطائی دور حکومت میں نہ صرف اس علاقے کے ساتھ سوتیلی ماں جیسا سلوک رکھا گیا بلکہ منفی و جھوٹے پروپیگنڈوں کے ذریعے عوام کو گمراہ بھی کیا گیا ۔

ان تمام ارسطو/فلاسفروں کو کھلے عام دعوت دی جاتی ہے کہ وہ اب بھی عملا کارکردگی/منشور حلقہ کی عوام کے سامنے پیش کریں اور یہ ضرور بتائیں کہ کسطرح اور کتنی مدت میں منصوبوں کو پایہ تکمیل تک پہنچایا جاتا ہے ماسوائے ان پراجیکٹس کے علاوہ جنکے فنڈز اور فزیبلٹی 50 سے زائد پہلے سے ہی منظور ہو چکی ہے نیز اگر کسی کو دستاویزات بھی مطلوب ہیں وہ بھی مہیا کی جائے گی ۔ انہوںنے کہا کہ انشا اللہ، بفضل خدا! وفا، خدمت، ترقی و خوشحالی، عوامی فلاح و بہبود اور حقیقی امن و امان کا سفر میرے قائد میاں محمد نواز شریف کی قیادت میں یونہی جاری و ساری رہے گا۔