ضمنی انتخابات، آصفہ بھٹو نے کاغذات نامزدگی جمع کرا دیئے

آصفہ بھٹو نے آر او ایڈیشنل کمشنر ٹوکے دفتر میں کاغذات نامزدگی جمع کرائے،صوبائی وزیرصحت عذرا پیچوہو اور وکلا کی ٹیم بھی ہمراہ تھی

اتوار 17 مارچ 2024 15:55

نواب شاہ(اُردو پوائنٹ اخبارتازہ ترین - این این آئی۔ 17 مارچ2024ء) قومی اور صوبائی اسمبلیوں کے ضمنی الیکشن کے سلسلے میں پی پی رہنما اور صدر آصف زرداری کی صاحبزادی آصفہ بھٹو نے کاغذات نامزدگی جمع کرا دیئے ہیں۔تفصیلات کے مطابق 8 فروری کو عام انتخابات کے بعد خالی ہونے والی قومی اور صوبائی اسمبلیوں کی نشستوں پر الیکشن کمیشن نے آئندہ ماہ 21 اپریل کو ضمنی انتخابات کرانے کا اعلان کیا تھا جس کے لیے کاغذات نامزدگی جمع کرانے کا مرحلہ شروع ہو چکا ہے۔

(جاری ہے)

پاکستان پیپلز پارٹی کی رہنما اور صدر پاکستان آصف علی زرداری کی صاحبزادی آصفہ بھٹو نے نوابشاہ سے قومی اسمبلی کے حلقہ این اے 207 پر کاغذات نامزدگی جمع کرا دیئے ہیں۔آصفہ بھٹو نے آر او ایڈیشنل کمشنر ٹو شیر علی جمالی کے دفتر میں کاغذات نامزدگی جمع کرائے۔ اس موقع پر ان کے ہمراہ صوبائی وزیر صحت عذرا پیچوہو اور وکلا کی ٹیم بھی موجود تھی۔کاغذات نامزدگی جمع کرائے جانے کے بعد آصف بھٹو خصوصی طیارے کے ذریعے کراچی روانہ ہو گئیں۔واضح رہے کہ 8 فروری کو مذکورہ حلقے سے آصف علی زرداری کامیاب ہوئے تھے تاہم ان کے صدر مملکت بننے پر یہ نشست خالی ہوئی تھی جس پر ان کی صاحبزادی نے کاغذات نامزدگی جمع کرائے۔