حنیف عباسی چھوٹے بھائی ہیں ،سیاسی جماعتوں میں اختلاف رائے ہو تا ہے

الیکٹ ہونے کے بعد حنیف عباسی کی سوچ بدلی ہے جس سے مجھے دکھ ہوا ہے،جاوید لطیف

پیر 25 مارچ 2024 22:00

لاہور (اُردو پوائنٹ اخبارتازہ ترین۔ 25 مارچ2024ء) مسلم لیگ ن کے رہنماء جاوید لطیف نے کہا ہے کہ حنیف عباسی چھوٹے بھائی ہیں ،سیاسی جماعتوں میں اختلاف رائے ہو تا ہے ۔الیکٹ ہونے کے بعد حنیف عباسی کی سوچ بدلی ہے جس سے مجھے دکھ ہوا ہے ۔حنیف عباسی کو پورا حق ہے کہ جماعت کے کسی بھی بندے کی بات سے اختلاف کریں ۔میرے متعلق بات کرنے پر مجھے حنیف عباسی سے کوئی گلہ نہیں ۔

(جاری ہے)

نجی ٹی وی چینل پروگرام میں گفتگو کرتے ہوئے کہاکہ خواجہ آصف نے باجوہ ،فیض کو اسمبلی بلوانے کی بات کر کہ ہر سیاسی ورکر کی نمائندگی کی۔خواجہ آصف نے کہا پچھلوں کا کیا دھراآج کیوں بھگتا جائے ۔جب سمجھوتے ہوتے ہیں تو مستقبل میں کچھ نہیں کر سکتے ۔خواجہ آصف سے احترام کا رشتہ ہے لیکن بول چال نہیں ہے ۔پچھلے لوگ جو کر چکے ہیں اس گرداب سے نکلنے کے لئے اقدامات کرنا ہوں گے ۔غلط پالیسیوں کی وجہ سے آج جودہ رجیم پر انگلیاں اٹھ رہی ہیں ۔2013سے رکاوٹیں پیدا کی گئیں کہ نواز شریف وزیراعظم نہ بن سکیں ۔حنیف عباسی جذباتی ہیں کبھی کبھی جذباتی گفتگو کر جاتے ہیں ۔