بالائی خیبر پختونخوا، گلگت بلتستان، کشمیر، پوٹھوہار اور ملحقہ پہاڑی علاقوں میں چند مقامات پر تیز ہوائوں/جھکڑ چلنے اور گرج چمک کے ساتھ ہلکی بارش کا امکان ہے ، محکمہ موسمیات

جمعرات 4 اپریل 2024 21:10

اسلام آباد (اُردو پوائنٹ اخبارتازہ ترین - اے پی پی۔ 04 اپریل2024ء) بالائی خیبر پختونخوا، گلگت بلتستان، کشمیر، پوٹھوہار اور ملحقہ پہاڑی علاقوں میں چند مقامات پر تیز ہوائوں/جھکڑ چلنے اور گرج چمک کے ساتھ ہلکی بارش کا امکان ہے، اس دوران ملک کے بیشتر علاقوں میں موسم خشک جبکہ جنوبی علاقوں میں گرم رہے گا۔

(جاری ہے)

محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم خشک جبکہ جنوبی علاقوں میں گرم رہا تاہم بالائی خیبر پختونخوا، کشمیر، گلگت بلتستان اور خطہ پوٹھوہار میں چند مقامات پر تیز ہواؤں اور گرج چمک کے ساتھ بارش ہوئی۔

سب سے زیادہ بارش کالام میں 20، بالاکوٹ 6، دیر (بالائی) 5، چترال، دروش 4، باچا خان (ایئر پورٹ) 2، پشاور ایک، گڑھی دوپٹہ 15،مظفر آباد (سٹی6، ایئر پورٹ4)، راوالاکوٹ، کوٹلی 2، استور7، چلاس 4، بونجی 2، گوپس ایک، چکوال، مری اور راولپنڈی (چکلالہ) میں بھی ایک ملی میٹر بارش ریکارڈ کی گئی۔ جمعرات کو ریکارڈ کئے گئے زیادہ سے زیادہ درجہ حرارت کی رپورٹ کے مطابق شہید بینظیر آباد میں درجہ حرارت 40، جیکب آباد 39، خیر پور، موہنجوداڑو، سکرنڈ اور پڈ عیدن میں 38 ڈگری سینٹی گریڈ ریکارڈ کیا گیا ہے۔

Facebook Twitter Google + Share on Whatsapp

متعلقہ عنوان :

مزید قومی خبریں