ئی استحصال سے نجات اور بنیادی عوامی حقوق کے تحفظ کی جاریہ تحریک کا فیصلہ کن دن ہیِ،زاہد امین

منگل 23 اپریل 2024 14:29

مظفرآباد(اُردو پوائنٹ اخبارتازہ ترین - این این آئی۔ 23 اپریل2024ء) سابق چیئرمین وزیراعظم معائنہ وعملدرآمد کمیشن زاہد امین نے کہا ہے کہ 11 مئی استحصال سے نجات اور بنیادی عوامی حقوق کے تحفظ کی جاریہ تحریک کا فیصلہ کن دن ہے۔انہوں نے امید ظاہر کی کہ باشندگان مظفرآباد 11 مئی جموں وکشمیر جوائنٹ عوامی ایکشن کمیٹی کے احتجاجی پروگرام کی بھرپور اور مکمل تائید وحمایت کریں گے۔

انہوں نے ان خیالات کا اظہار اپنے ماہانہ بجلی بل کو بطور احتجاج نذر آتش کیے جانے کے موقع پر کیا۔

(جاری ہے)

انہوں نے کہا کہ باشندگان مظفرآباد آزادکشمیر بھر سے آنے والے احتجاجی قافلوں کی ایکشن کمیٹی کے پلیٹ فارم سے میزبانی کریں گے۔انہوں نے کہا کہ حتمی اقدام کے لیے نیک نیتی سے جاندار لائحہ عمل اختیار کیا جانا چاہیے۔تاریخ جدوجہد اور قربانی کو کبھی فراموش نہیں کرتی ہے۔انہوں نے کہا کہ ضروری ہے کہ جاریہ تحریک کو فیصلہ کن مرحلے پر عوام کے درمیان نظریاتی ،شخصی ،جماعتی اور گروہی تفریق کی مکمل حوصلہ شکنی کی جائے۔انہوں نے عوام سے مکمل اتحاد واتفاق کی اپیل کی ہے۔اس سے قبل بھی عوامی راہنما نے ایکشن کمیٹی کی حمایت میں اپنے ماہانہ بجلی بلات کو ہر ماہ نذر آتش کیا ہے۔