ٹی ٹونٹی ورلڈ کپ 2024ء: محسن نقوی امریکہ میں پچز اور دیگر انتظامات سے ناخوش

پی سی بی حکام ٹکٹوں کی مہنگی قیمت اور تماشائیوں کے لیے مناسب سہولیات کے فقدان سمیت مجموعی انتظامات پر بھی ناخوش تھے

ذیشان مہتاب منگل 11 جون 2024 15:55

ٹی ٹونٹی ورلڈ کپ 2024ء: محسن نقوی امریکہ میں پچز اور دیگر انتظامات سے ..

نیویارک (اردو پوائنٹ تازہ ترین اخبار ۔ 11 جون 2024ء ) پاکستان کرکٹ بورڈ (پی سی بی) کے چیئرمین محسن نقوی نے اتوار کو پاک بھارت میچ شروع ہونے سے قبل ناساؤ اسٹیڈیم کی پچز کی حالت اور آئی سی سی حکام کے ساتھ مناسب انتظامات کے مسائل کو اٹھایا ہے۔ باخبر ذرائع نے دی نیوز کو بتایا کہ محسن نقوی جن کے ساتھ پی سی بی کے سی او او سلمان نصیر بھی تھے، نے ان انتظامات پر ناراضگی کا اظہار کرتے ہوئے کہا کہ یہ ایسے انتظامات ہیں جو امریکہ میں کرکٹ کے کھیل کو فروغ دینے کی کوششوں کے لیے نقصان دہ ثابت ہو سکتے ہیں۔

ایک ذریعے نے بتایا کہ "پی سی بی کے چیئرمین نے آئی سی سی حکام سے بات چیت کے دوران اپنی ناراضگی کا اظہار کیا اور خدشہ ظاہر کیا کہ منفی تشہیر سے امریکی کرکٹ کے لیے کبھی مثبت نتائج سامنے نہیں آئیں گے۔

(جاری ہے)

" محسن نقوی نے آئی سی سی کے اعلیٰ افسران کو بتایا کہ خاص طور پر ناساؤ اسٹیڈیم کی پچز امریکہ میں کرکٹ کے کھیل کو مقبول بنانے میں کسی طرح مدد نہیں کر سکتیں۔

درحقیقت ایسی پچز جہاں رنز بنانا اور چھکے لگانا ناممکن ہو جاتا ہے وہ نتیجہ خیز ثابت ہوتی ہے۔ پی سی بی حکام ٹکٹوں کی مہنگی قیمت اور تماشائیوں کے لیے مناسب سہولیات کے فقدان سمیت مجموعی انتظامات پر بھی ناخوش تھے۔ تماشائیوں کی جانب سے اسٹیڈیم میں سہولیات کی کمی کے حوالے سے بھی شکایات سامنے آئیں۔ سب سے بری بات یہ ہے کہ چوتھی منزل پر جہاں میڈیا باکس موجود ہے وہاں میڈیا کے لیے کوئی بیت الخلاء (واش روم) نہیں ہے۔ میڈیا والوں کو پبلک ٹوائلٹ استعمال کرنے کے لیے زمین پر آنا پڑتا ہے۔