Live Updates

عمران خان ،شاہ محمود قریشی، شیخ رشید سمیت دیگر آزادی مارچ مقدمے میں بری

اسلام آباد کی ڈسٹرکٹ اینڈ سیشن عدالت کے جوڈیشل مجسٹریٹ ملک محمد عمران نے محفوظ فیصلہ سنایا

فیصل علوی جمعرات 13 جون 2024 11:01

عمران خان ،شاہ محمود قریشی، شیخ رشید سمیت دیگر آزادی مارچ مقدمے میں ..

اسلام آباد(اردو پوائنٹ اخبارتازہ ترین۔13جون 2024 ) اسلام آباد کی ڈسٹرکٹ اینڈ سیشن کورٹس نے آزادی مارچ مقدمے میں بانی پی ٹی آئی عمران خان،شیخ رشید ،شاہ محمود قریشی سمیت دیگر کو بری کر دیا،جوڈیشل مجسٹریٹ ملک محمد عمران نے محفوظ فیصلہ سنایا،بانی پی ٹی آئی، شیخ رشید و دیگر پر دفعہ 144 کی خلاف ورزی، توڑ پھوڑ کی دفعات کے تحت 2022 میں سے تھانہ آئی نائن میں مقدمہ درج کیا گیا تھا۔

عدالت نے صداقت عباسی اور علی نواز اعوان کو بھی بری کر دیا۔خیال رہے کہ گزشتہ روز بھی انسداد دہشت گردی عدالت لاہور نے بانی پی ٹی آئی عمران خان کیخلاف جناح ہاﺅس حملہ کیس کے 3مقدمات میں ضمانت میں توسیع کردی تھی۔ عدالت میں بانی پی ٹی آئی کے مقدمات کی سماعت ہوئی، عدالت میں عمران خان کے وکیل بیرسٹر سلمان صفدر پیش ہوئے تھے۔

(جاری ہے)

عدالت نے بانی پی ٹی آئی کو اڈیالہ جیل سے ویڈیو لنک کے ذریعے حاضری یقینی بنانے کا حکم دیا تھا۔

اس کےساتھ انسداد دہشتگردی کی عدالت نے پراسیکیوشن سے متعلقہ سماعت کا ریکارڈ طلب کر لیا تھا۔عدالت نے عمران خان کے وکیل بیرسٹر سلمان صفدر سے آئندہ سماعت پر دلائل طلب کر لئے تھے۔انسداد دہشتگردی کی عدالت نے عمران خان کی 3 مقدمات میں عبوری میں 20 جون تک توسیع کر تے ہوئے کیس کی سماعت ملتوی کر دی۔یاد رہے کہ 10مئی کو بھی لاہور کی انسداد دہشت گری عدالت نے 9 مئی جلاو گھیراو کے 3 مقدمات میںپی ٹی آئی کے بانی چیئرمین عمران خان کی عبوری ضمانت میں 17 مئی تک توسیع کر دی تھی جبکہ عدالت نے ملزم کی اڈیالہ جیل سے ویڈیو لنک پر حاضری مکمل کرانے کا حکم دیاتھا۔

انسداد دہشت گری لاہور کی خصوصی عدالت کے جج ڈیوٹی جج ارشد جاوید نے 9 مئی کو جناح ہاوس حملہ ، عسکری ٹاور حملہ اور تھانہ شادمان نذر آتش کرنے کے مقدمات میں بانی پی ٹی آئی کی عبوری ضمانتوں پر سماعت کی تھی۔سابق وزیراعظم عمران خان کے جونیئر وکلاءکی ٹیم عدالت میں پیش ہوئی تھی اور موقف اختیار کیا کہ سینئر وکیل بیرسٹر سلمان صفدر مصروف ہیںاس لئے ہمیں مہلت دی جائے۔عدالت نے استدعا منظور کرتے ہوئے اگلی سماعت پر بانی پی ٹی آئی کے وکیل بیرسٹر سلمان صفدر سے دلائل طلب کئے تھے۔