سید وسیم حسین کے وزیراعظم کو خط پر حیدرآباد سلینڈر دھماکے کے زخمیوں اور جاں بحق افراد کے ورثا کے لئے مالی امداد منظور

ہفتہ 22 جون 2024 22:10

کراچی (اُردو پوائنٹ اخبارتازہ ترین - این این آئی۔ 22 جون2024ء) متحدہ قومی موومنٹ پاکستان کے رکن قومی اسمبلی سید وسیم حسین کی جانب سے وزیراعظم میاں شہباز شریف کوحیدرآباد سلینڈر دھماکے کے زخمیوں اور جاں بحق افراد کے ورثا کی مالی امداد کے حوالے سے لکھے گئے خط پر ایکشن لے لیا گیا، وزیراعظم کی جانب سے حیدرآباد سلینڈردھماکے میں جاں بحق و زخمی ہونے والوں کیلئے مالی امداد کی منظوری دیدی گئی، خط میں حق پرست رکن قومی اسمبلی سید وسیم حسین کی جانب سے وزیراعظم میاں شہباز شریف سے حیدرآباد سلینڈر دھماکے میں جاں بحق اور زخمی افراد کی مالی مدد کے لئے درخواست کی گئی تھی، حیدرآباد سلینڈر حادثے میں ابتک 27 افراد ہلاک ہوچکے ہیں جبکہ متعدد زخمی افراد کراچی و حیدآباد کے مختلف ہسپتالوں میں زیر علاج ہیں۔