اٹک، ریسکیو1122 اور دیگر اداروں کا مون سون میں ممکنہ سیلابی صورتحال میں امدادی سرگرمیوں کیلئے مشقوں کا انعقاد

جمعہ 28 جون 2024 17:04

اٹک (اُردو پوائنٹ اخبارتازہ ترین - اے پی پی۔ 28 جون2024ء) ریسکیو1122 نے ممکنہ سیلاب میں بچاؤ کے حوالے سے دریائے سندھ میں شادی خان کے مقام پر دیگر اداروں کے ساتھ مل کر فرضی مشقوں کا انعقاد کیا۔ اس دوران ریسکیو 1122 اٹک کے ساتھ سول ڈیفنس،محکمہ صحت، محکمہ لائیو سٹاک، بلڈنگز ڈیپارٹمنٹ، ٹریفک پولیس، میونسپل کمیٹی تحصیل حضرو اور دیگر متعلقہ اداروں نے حصہ لیا ہے۔

(جاری ہے)

اس موقع پر کشتی رانی، ڈوبتے ہوئے افراد کو بچانے کی مشقوں سمیت میڈیکل فرسٹ ایڈ،تیراکی اور غوطہ خوری جیسی عملی مشقوں کا بہترین مظاہرہ کیا گیا ہے، مہمانِ خصوصی اسسٹنٹ کمشنر حضرو کامران اشرف کو ڈسٹرکٹ ایمرجنسی آفیسر انجینئر علی حسین نے ریسکیو 1122 ضلع اٹک کے ہنگامی صورت حال میں استعمال ہونے والے آلات کا معائنہ کروایا اور بتایا کہ متعلقہ اداروں کے مابین مضبوط ربط اور بروقت رسپانس کی مدد سے کسی بھی سیلابی صورتحال میں قیمتی جانوں کے ضیاع کو بچایا جاسکتا ہے۔\378