لاہور سمیت پنجاب کے با لا ئی اور وسطی علاقوں میں چند مقامات پر بارش کا امکان ہے، محکمہ موسمیات

منگل 23 جولائی 2024 17:30

لاہور (اُردو پوائنٹ اخبارتازہ ترین - اے پی پی۔ 23 جولائی2024ء) محکمہ موسمیات نے پیش گوئی کی ہے کہ آئندہ چوبیس گھنٹوں کے دوران صوبائی دارالحکومت لا ہور سمیت پنجاب کے با لا ئی اور وسطی علاقوں میں چند مقامات پر آندھی،جھکڑ چلنے اور گرج چمک کے ساتھ بارش کا امکان ہے ۔محکمہ موسمیات کے ترجمان کے مطابق گزشتہ چوبیس گھنٹوں کے دوران لا ہور سمیت پنجاب کے بیشتر علاقوں میں موسلا دھار بارش ہو ئی،جس سے گرمی کے ساتھ ساتھ حبس میں بھی کمی واقع ہوئی۔

(جاری ہے)

پنجا ب میں سب سے زیادہ بارش سیالکوٹ ایئرپورٹ 114 ملی میٹر،سٹی69 ،منڈی بہائوالدین 98، گوجرانوالہ 82،گجرات 63، نارووال54،حافظ آباد 35، شیخوپورہ 16 جبکہ لاہور سٹی14،ائیر پورٹ02 ملی میٹر با رش ریکارڈ کی گئی۔لاہور میں کم سے کم درجہ حرارت 29 جبکہ زیادہ سے زیادہ 36 سینٹی گریڈ ریکارڈ کیا گیا،ہوا میں نمی کا تناسب 59 فی صد رہا۔ لا ہور میں آلودگی کی مجموعی شرح 128 فیصد رہی۔ اسی طرح شہر کے دیگر علاقوں پاکستان انجنیئرنگ سروسز 149،ذکی فارمز 158،سید مراتب علی روڈ153،ریونیو سوسائٹی میں152،یو ایم ٹی129،سی ای آر پی آفس151،ٹھو کر نیا ز بیگ 124،آرک سٹیشن ون 124 اور لاہور امریکن سکول میں ائیر کوالٹی انڈیکس134ریکارڈ کیا گیا۔