حکومت کے پاس 2022 سے کوئی اختیار نہیں یہ عوام کے ساتھ بہت بڑا ظلم ہے

یہ ظلم گورنر، وزیراعلیٰ اوربڑے عہدوں پر بیٹھے کررہے، اختیار بھی کوئی نہیں مزے بھی کر رہے ہیں، جس بھنور میں ہم پھنسے ہیں سیاسی جماعت پر پابندی سے مزید نقصان ہوگا، سابق گورنر محمد زبیر

ثنااللہ ناگرہ بدھ 24 جولائی 2024 23:16

حکومت کے پاس 2022 سے کوئی اختیار نہیں یہ عوام کے ساتھ بہت بڑا ظلم ہے

اسلام آباد ( اردوپوائنٹ اخبارتازہ ترین۔ 24 جولائی 2024ء) سابق گورنر محمد زبیر نے کہا ہے کہ حکومت کے پاس 2022 سے کوئی اختیار نہیں یہ عوام کے ساتھ بہت بڑا ظلم ہے، یہ ظلم وہ کررہے جوگورنر، وزیراعلیٰ اوربڑے عہدوں پر بیٹھے ہیں، خود اوپر بیٹھ کر مزے لے جبکہ فیصلوں کا کوئی اختیار نہیں، اگر حکومت کے پاس عوامی فیصلوں کا اختیار نہیں تو حکومت نہیں لینی چاہیئے تھی۔

انہوں نے اے آر وائی نیوز کے پروگرام میں گفتگو کرتے ہوئے کہا کہ پی ٹی آئی پر پابندی بالکل نہیں لگنی چاہیئے، کسی بھی جماعت پر نہیں لگنی چاہیے خاص طور پر سب سے بڑی جماعت پر بالکل بھی پابندی نہیں لگنی چاہیئے، جس جماعت کے پاس 20 فیصد عوامی تائید ہے وہ 70فیصد والی جماعت پر پابندی لگانا چاہتے ہیں،اس کا مطلب 70فیصد عوام کہتے پی ٹی آئی پر پابندی نہیں لگنی چاہیئے بلکہ 5 فیصد والی جماعت پر لگنی چاہیئے، بنگالی اکثریت میں تھے لیکن یہاں فیصلہ کیا گیاوہ غدار ہیں، آرٹیکل 6بھی کسی پر نہیں لگنا چاہیے، آرٹیکل 6تب لگتا ہے جب آئین کو ردی کی ٹوکری میں پھینک دیا جائے۔

(جاری ہے)

جب تک آئین نہیں روندا جاتا تب تک آرٹیکل چھ نہیں لگنا چاہیے۔جس بھنور میں ہم پھنسے ہیں سیاسی جماعت پر پابندی سے نقصان ہوگا۔حکومت کے پاس 2022 سے کوئی اختیار نہیں یہ عوام کے ساتھ بہت بڑا ظلم ہے، یہ ظلم وہ کررہے جوگورنر، وزیراعلیٰ اوربڑے عہدوں پر بیٹھے ہیں، خود اوپر بیٹھ کر مزے لے جبکہ فیصلوں کا کوئی اختیار نہیں، اگر حکومت کے پاس عوامی فیصلوں کا اختیار نہیں تو حکومت نہیں لینی چاہیئے تھی۔

اس موقع پر پاکستان مسلم لیگ ن کے مرکزی رہنماء میاں جاوید لطیف نے کہا کہ میری گزارش ہے کہ بات کو کہیں سے شروع کریں، دیکھا جان چاہیے کہ 2013 کے الیکشن کو جواز بنا کر 2014 کا دھرنا کیوں اور کس کی ایماء پر دیا گیا،اس کا چیک ہونا چاہیئے، 2014 کے ایک دھرنے کی ایک وجہ چینی صدر کو روکنے کی بھی تھی، 2014 کے دھرنا دلانے میں عالمی قوتیں بھی شامل تھیں، عالمی قوتوں کی مداخلت آج بھی ہے لیکن کوئی سچ بولنے کو تیار نہیں۔

میں ہمیشہ سے کہتا ہوں کہ کسی جماعت کی حمایت 70فیصد ہو یا 5فیصد کسی پر پابندی نہیں لگنی چاہیئے۔ کسی دہشتگرد جماعت پر ہی پابندی ہونی چاہیئے۔ ہم سپریم کورٹ پر حملہ کیا تو بھگتا بھی تھا،9لوگوں کو سزا ہوئی اور نااہلی بھی ہوئی تھی۔ بانی پی ٹی آئی نے کتنی بار عدالتو ں پر حملے کئے لیکن کوئی ایف آئی آر بھی درج ہوئی؟