Live Updates

کراچی میں مزید گرج چمک کے ساتھ موسلا دھار بارش کا امکان

پیر 5 اگست 2024 21:05

کراچی (اُردو پوائنٹ اخبارتازہ ترین - آن لائن۔ 05 اگست2024ء) محکمہ موسمیات کا کہنا ہے کہ شہرِ قائد میں 24 گھنٹوں کے دوران مطلع ابرآلود رہنے اور گرج چمک کے ساتھ بارش کا امکان ہے۔محکمہ موسمیات کے مطابق، کراچی میں کہیں کہیں موسلادھار بارش کا امکان بھی ہے۔

(جاری ہے)

محکمہ موسمیات نے بتایا ہے کہ شہر میں کم سے کم درجہ حرارت 27 ڈگری سینٹی گریڈ ریکارڈ ہوا ہے۔محکمہ موسمیات کے مطابق، ہوا میں نمی کا تناسب 92 فیصد ہے۔دوسری جانب، ٹریفک پولیس نے ڈرائیورز کو احتیاط برتنے کی ہدایت دیتے ہوئے کہا کہ شہر کے مختلف علاقوں میں بوندا باندی جاری ہے، سڑک گیلی ہونے کے سبب پھسلن ہو سکتی ہے اس لیے ڈرائیورز گاڑی اورموٹر سائیکل کی اسپیڈ کم رکھیں اور موٹرسائیکل سوار سڑک کی بائیں سائیڈ استعمال کریں۔#