لاہورسمیت بالائی و شمال مشرقی پنجاب میں گر ج چمک کے سا تھ موسلادھاربارش کا امکان

بدھ 21 اگست 2024 20:16

لاہور (اُردو پوائنٹ اخبارتازہ ترین - اے پی پی۔ 21 اگست2024ء) محکمہ موسمیات نے پیشگوئی کی ہے کہ آئندہ چوبیس گھنٹوں کے دوران صوبائی دارالحکومت لا ہور سمیت بالائی و شمال مشرقی پنجاب میں بعض مقا مات پر تیز ہوائوں اور گر ج چمک کے سا تھ موسلادھاربارش کی توقع ہے، تاہم دیگر علاقوں میں موسم گرم اور حبس رہے گا۔ ترجمان محکمہ موسمیات کے مطابق گزشتہ چوبیس گھنٹوں کے دوران لاہور سمیت شمال مشرقی اور بالائی پنجاب میں موسلا دھار بارش ہوئی تاہم صوبہ کے باقی حصوں میں موسم گرم و مر طوب رہا۔

گزشتہ روز پنجاب میں سب سے زیادہ بارش منڈی بہائو الدین اور لیہ میں 46 ملی میٹر ریکارڈ کی گئی ،اسی طرح گوجرانوالہ میں 21 ، بھکر4،حافظ آباد 33، گجرات 32 جوہرآباد27،نارووال ،اوکاڑہ میں03 اورسیالکوٹ میں07 ملی میٹر بارش ریکارڈ کی گئی۔

(جاری ہے)

ترجمان کے مطابق لاہور میں کم سے کم درجہ حرارت 25اور زیادہ سے زیادہ34سینٹی گریڈ ریکارڈ کیا گیا جبکہ ہوا میں نمی کا تناسب 57فیصد رہا،لا ہور میں آلودگی کی مجموعی شرح 81فیصد رہی جبکہ شہر کے مختلف علاقوں میں ایئر کوالٹی انڈیکس ریونیو سوسائٹی میں82، یو ایس قو نصلیٹ 144، لا ہور امریکن سکول 94، سید مرا تب علی روڈ132،پاکستان انجینئرنگ سروسز 81،سی ای آر پی آفس105اور شا ہراہ قائد اعظم پر81ایئر کوالٹی انڈیکس ریکارڈ کیا گیا ۔