u26اگست سندھ بھر میںجماعت اسلامی کا یوم تاسیس منایا جائے گا

مرکزی نائب امیرمولانا عطاء الرحمان ،ممتازسہتو،محمد حسین محنتی ودیگر صوبائی وضلعی رہنما، علماء کرام ودانشور تقریبات سے خطاب کریں گے

اتوار 25 اگست 2024 19:30

، کراچی (اُردو پوائنٹ اخبارتازہ ترین - آن لائن۔ 25 اگست2024ء) جماعت اسلامی سندھ کے تحت کراچی تا کشمور صوبہ بھر کے چھوٹے بڑے مقامات پر جماعت اسلامی کا یوم تاسیس بھرپور جوش وجذبے کے ساتھ منایا جائے گا۔ صوبائی ترجمان مجاہدچنا کے مطابق اس حوالے سے کل 26اگست (آج) کراچی،حیدرآباد،بدین،مٹیاری،سانگھڑ،ٹنڈوآدم،شکارپور،نواب شاہ اورسکھر میں پرچم کشائی ،سمینار،مذاکرے اورجلسے منعقد کئے جائیں گے جن سے مرکزی صوبائی وضلعی رہنما علما ء کرام ودانشور جماعت اسلامی کی سیاسی سماجی ودینی جدوجہد پراظہار خیال کریں گے۔

یاد رہے کہ 26اگست 1941ء کومفکر اسلام سید ابولاعلیٰ مودودی کی سربراہی میں 75افراد نے لاہور میں جماعت اسلامی کی بنیاد رکھی آج دنیا بھرمیں ان کی شاخیں قائم ہیں۔

(جاری ہے)

جماعت اسلامی کو یہ اعزاز حاصل ہے کہ یہ ملک کی واحد دینی وسیاسی جماعت ہے جوحقیقی معنیٰ میں ایک جمہوری اورموروثیت خاندان سے پاک جماعت ہے جہاں مقام سے لیکر مرکزی امیرتک باقاعدہ انتخابات ہوتے ہیں۔

جماعت اسلامی کے پہلے امیرخود سید مودودی منتخب ہوئے جبکہ دوسرے میاں طفیل محمد،تیسرے قاضی حسین احمد،چوتھے سیدمنورحسن،پانچویں سراج الحق اورچھٹے حافظ نعیم الرحمان امیر منتخب کئے گئے ہیں۔دریں اثناء مرکزی نائب امیر مولانا عطاء الرحمان اورصوبائی امیرمحمد حسین محنتی بدین ،مٹیاری،حیدرآباد، مرکزی ڈپٹی جنرل سیکرٹری ممتازحسین سہتو سانگھڑوکھڈرو،صوبائی جنرل سیکرٹری کاشف سعید شیخ لاڑکانہ، نائب قیم مولانا عبدالقدوس احمدانی ٹنڈوآدم میں منعقدہ یوم تاسیس کی تقریبات سے خطاب کریں گے۔