بلوچستان کے بیشتر اضلاع میں موسم گرم اور خشک رہنے کا امکان

بدھ 4 ستمبر 2024 16:45

کوئٹہ (اُردو پوائنٹ اخبارتازہ ترین - اے پی پی۔ 04 ستمبر2024ء) علاقائی موسمیاتی مرکز بلوچستان کے مطابق بدھ کو صوبوں کے بیشتر اضلاع میں موسم گرم اور خشک رہے گا جبکہ موسیٰ خیل، بارکھان، قلات، خضدار، حب اور لسبیلہ میں آندھی اور گرج چمک کے ساتھ بارش کا امکان ہے۔

(جاری ہے)

جمعرات کو صوبے کے بیشتر علاقوں میں موسم گرم اور خشک جبکہ حب اور لسبیلہ میں گرج چمک کے ساتھ بارش کا امکان ہے۔ گزشتہ 24 گھنٹوں کے دوران بارکھان میں 10 ملی میٹر، لورالائی میں 7 ملی میٹر اور خضدار میں 01 ملی میٹر بارش ریکارڈ کی گئی۔ سب سے زیادہ درجہ حرارت سبی میں 43 ڈگری سینٹی گریڈ ریکارڈ کیا گیا۔ اسی طرح نوکنڈی، تربت اور دالبندین میں 40، لسبیلہ میں 38، کوئٹہ اور گوادر میں 34 ڈگری سینٹی گریڈ ریکارڈ کیا گیا۔