ملک کے بیشتر علاقوں میں موسم گرم اور خشک رہے گا ، محکمہ موسمیات

منگل 10 ستمبر 2024 21:53

اسلام آباد (اُردو پوائنٹ اخبارتازہ ترین - اے پی پی۔ 10 ستمبر2024ء) آئندہ 24 گھنٹوں کے دوران ملک کے بیشتر علاقوں میں موسم گرم اور خشک رہے گا تاہم خطہ پو ٹھو ہار، گلگت بلتستان، کشمیر اور بالائی خیبرپختونخوا میں مطلع جزوی ابرآلود رہنے کے علا وہ چند مقامات پرتیز ہواؤں اور گرج چمک کے ساتھ بارش کا امکان ہے۔

(جاری ہے)

محکمہ موسمیات کے مطابق گذشتہ 24 گھنٹوں کے دوران ملک کے بیشتر علاقوں میں موسم گرم اورخشک رہاتاہم شمال مشر قی پنجاب، شمالی بلو چستان اور کالام میں تیز ہواؤں اورگرج چمک کے ساتھ بارش ہوئی ۔

پنجاب میں حا فظ آباد 8، منڈی بہا ئو الدین5، لا ہور (سٹی)2، بلو چستان میں بارکھان 7، خیبرپختونخوا میں کالام میں ایک ملی میٹر بارش ریکارڈ کی گئی۔منگل کو ریکارڈ کئے گئے زیادہ سے زیادہ درجہ حرارت تربت 43 اورسبی میں 42 ڈگری سینٹی گریڈ ریکارڈ کیا گیا۔