Live Updates

خ*پی ٹی آئی کا جلسہ فارم 47 کی جعلی حکومت کے خلاف ریفرنڈم تھا، حماد اظہر

ج* کرپٹ ٹولے کے اقتدار کا سورج غروب ہونے کے قریب ہے، رہنما پی ٹی آئی & ابھی تو یہ جلسے عمران خان کے بغیر ہو رہے ہیں ڈرو اس دن سے جب عمران خان باہر ہوگا،شوکت بسرا

اتوار 22 ستمبر 2024 20:05

Kلاہور (اُردو پوائنٹ اخبارتازہ ترین - آن لائن۔ 22 ستمبر2024ء) قائم مقام صدر و جنرل سیکریٹری پی ٹی آئی پنجاب حماد اظہر نے کہا ہے کہ گزشتہ روز پی ٹی آئی کا جلسہ فارم 47 کی جعلی حکومت کے خلاف ریفرنڈم تھا، اب کرپٹ ٹولے کے اقتدار کا سورج غروب ہونے کے قریب ہے۔اپنے ایک بیان میں حماد اظہر نے کہا کہ بانی پی ٹی آئی نے لاہور جلسے کو کامیاب بنانے پر قوم کو مبارکباد دی، لاہوریوں نے ثابت کیا کہ لاہور تحریک انصاف کے ساتھ ہے۔

انہوں نے کہا کہ جعلی حکومت کی تمام تر فسطائیت اور رکاوٹوں کے باوجود جلسے میں فیملیز اور خواتین کی بڑی تعداد شریک ہوئی، گزشتہ روز عوام نے ثابت کیا کہ جعلی حکومت اب پی ٹی آئی کو چاند پر بھی جلسے کی اجازت دے وہاں پر بھی پہنچیں گے۔دریں اثناء سیکریٹری اطلاعات پی ٹی آئی پنجاب شوکت بسرا کا کہنا تھا کہ 12 گھنٹے کے مختصر نوٹس پر پی ٹی آئی کا لاہور میں تاریخی جلسہ منعقد ہوا اور کنٹینروں سے بند سڑکوں کو عبور کر کے میلوں پیدل چل کر عوام جلسے میں پہنچے۔

(جاری ہے)

ابھی تو یہ جلسے عمران خان کے بغیر ہو رہے ہیں ڈرو اس دن سے جب عمران خان باہر ہوگا۔انہوں نے کہا کہ جیسے ہاری ہوئی ٹک ٹاکر جعلی وزیر اعلی مریم صفدر جھوٹوں کی نانی ہے ویسے ہی اس کی نوکرانی اور ریمنڈ ڈیوس کے وکیل کی بیٹی عظمی بخاری بھی جھوٹی ہے۔شوکت بسرا کا کہنا تھا کہ کل پی ٹی آئی نے جو پہاڑ کھودا اس میں تین چوہے عطا تارڑم مریم اورنگزیب اور عظمی بخاری نکلے، تینوں چوہے عطائی ڈاکٹر کے علاج کے بعد گنتی بھول گئی اور تینوں ایک ہزار ایک ہزار پڑھنے لگے، عطائی ڈاکٹر کے علاج کے بعد عظمی بخاری کی تو عینک ہی اتر گئی۔