پاکستانی شہری کا42 ڈرائیونگ لائسنس بنے ہونے کا انکشاف

جمعرات 26 ستمبر 2024 23:20

تاندلیانوالہ (اُردو پوائنٹ اخبارتازہ ترین - این این آئی۔ 26 ستمبر2024ء) پاکستان میں ایک ایسا شخص سامنے آیا ہے جس کے 42 لائسنس بنے ہیں۔مذکورہ شخص کا تعلق فیصل آباد کی تحصیل تاندلیانوالہ سے ہے جن کا نام نذیر احمد بشیر ہے۔اس بات کا انکشاف اس وقت ہوا جب نذیر احمد اپنے بیٹے کا لائسنس بنوانے مقامی لائسنسگ برانچ گئے۔ لائسنسگ برانچ تاندلیانوالہ کے انچارج محمد عثمان طور نے بتایا کہ نذیر احمد اپنے بیٹے کا لائسنس بنوانے کے لیے آئے تھے مگر انہوں نے پورے محکمے کو حیرت میں ڈال دیا۔

انہوں نے کہا کہ ہم جب ان کے بیٹے کی تفصیلات درج کر رہے تھے تو ان سے کہا کہ ہاتھ کے ہاتھ آپ بھی اپنا لائسنس بنوا لیں تو انہوں نے موبائل فون پر اپنے ڈرائیونگ لائسنس کی تصویریں دکھانا شروع کر دیں۔

(جاری ہے)

محمد عثمان نے بتایا کہ ہم یہ دیکھ کر حیران رہ گئے کیوں کہ ہم خود لائسنس برانچ میں کام کرتے ہیں لیکن آج تک ہم نے خود یا کسی اور نے اتنی بڑی تعداد میں ڈرائیونگ لائسنس نہیں بنوائے۔

عثمان طور کے مطابق تاندلیانوالہ کے رہائشی نذیر احمد کے نام پر مختلف گاڑیوں کے مجموعی طور پر 42 لائسنس ہیں۔نذیر احمد کے مطابق انہوں نے اپنی زندگی کا زیادہ تر حصہ بیرونِ ملک اور بالخصوص خلیجی ممالک میں گزارا، جہاں انہوں نے مختلف بڑی گاڑیاں چلائیں جس کے لیے ہر گاڑی کے لیے نیا لائسنس بنوانا پڑتا تھا۔ان کا کہنا تھا کہ 42 لائسنس بنوانا ان کا شوق نہیں تھا بلکہ ضرورت کے تحت انہوں نے یہ تمام لائسنس بنوائے۔نذیر احمد نے میٹرک تک تعلیم حاصل کی ہے۔ ان کے مطابق 1992ء میں انہوں نے اپنا پہلا لائسنس بنوایا تھا۔

Facebook Twitter Google + Share on Whatsapp

پاکستانی شہری کا42 ڈرائیونگ لائسنس بنے ہونے کا انکشاف

متعلقہ عنوان :

مزید اہم خبریں