جماعت اسلامی خیبر پختونخوا کا مختلف اضلاع کیلئے امرا کے ناموں کا اعلان

ہفتہ 12 اکتوبر 2024 23:15

پشاور (اُردو پوائنٹ اخبارتازہ ترین - اے پی پی۔ 12 اکتوبر2024ء) جماعت اسلامی خیبر پختونخوا نے مختلف اضلاع کیلئے نامزد کئے گئےامرا کے ناموں کا اعلان کر دیا ہے۔ جماعت اسلامی خیبر پختونخوا کے سیکرٹری جنرل عبدالواسع نے المرکز الاسلامی پشاور سے جاری کئے گئے بیان میں بتایا کہ امیر جماعت اسلامی پاکستان حافظ نعیم الرحمن نے جماعت اسلامی پاکستان کے دستور کی دفعہ 68کے تحت، امیر صوبہ پروفیسر محمد ابراہیم خان سے مشاورت اور اراکین کی آراء کے پیشِ نظر دو سالہ مدت کے لیے بحر اللہ خان کو پشاور، حاجی عنایت الرحمن نوشہرہ، شاہ حسین ایڈووکیٹ چارسدہ، غلام رسول مردان اور مفتی مراد احمد کو صوابی کےلیے ضلعی امیر مقرر کیا ہے۔

اسی طرح ضلع ملاکنڈ کےلیے شہاب حسین، ضلع سوات کےلیے حمید الحق، شانگلہ کےلیے نجم اللہ، بونیر کےلیے انجینئر ناصر علی خان، دیر بالا کےلیے صاحبزادہ فصیح اللہ، دیر پائین کےلیے مولانا اسد اللہ، چترال لوئر کےلیے وجییہ الدین اور چترال اپر کےلیے اسد الرحمن کو امیر ضلع مقرر کیا گیا۔

(جاری ہے)

امیر جماعت اسلامی حافظ نعیم الرحمن نے جماعت اسلامی ضلع مانسہرہ کےلیے جمیل جہانگیری، ایبٹ آباد کےلیے عبدالرزاق عباسی، ہری پور کےلیے طاہر عتیق، بٹگرام کےلیے حاجی امداد اللہ، تورغر کےلیے ڈاکٹر محمد سراج کو امیر مقرر کیا ہے۔

جنوبی اضلاع کے ضلع کوہاٹ کےلیے شمروز خان، ہنگو کےلیے محمد عابد خٹک، کرک کےلیے محمد ظہور خٹک، بنوں کےلیے مفتی عارف اللہ، لکی مروت کےلیے مفتی عرفان اللہ،ٹانک کےلیے ذاکر اللہ برکی جبکہ ڈیرہ اسماعیل خان کےلیے منظر مسعود خٹک کو ضلعی امارت کی ذمہ داری سونپی گئی ہے۔ قبائلی اضلاع باجوڑ کےلیے سابق ممبر قومی اسمبلی صاحبزادہ ہارون الرشید، مہمند کےلیے ملک محمد سعید خان، خیبر کےلیے شاہ فیصل آفریدی، اورکزئی کےلیے محمد رئیس خان، شمالی وزیرستان کےلیے طارق شاہ اور جنوبی وزیرستان کےلیے اسد اللہ کی ذمہ داریاں لگائی گئی ہیں۔

امراء کا تقرر دو سال نومبر 2024ء تا اکتوبر 2026ء کےلیے کیا گیا ہے۔ عبدالواسع نے کہا کہ تمام امراء اضلاع کو جلد از جلد اپنے مقامی اجتماعات میں ذمہ داری کا حلف اٹھانے کی تاکید کی گئی ہے۔