sپاکستان کوسٹ گارڈز کی کارروائیاں؛ اسلحہ اور منشیات برآمد

اتوار 13 اکتوبر 2024 20:05

G کراچی(اُردو پوائنٹ اخبارتازہ ترین - آن لائن۔ 13 اکتوبر2024ء) پاکستان کوسٹ گارڈز نے مختلف کارروائیوں میں اسلحہ اور منشیات برآمد کرلیں۔پاکستان کوسٹ گارڈز نے پاک ایران سرحد کے قریب اولڈ میرین پوسٹ کے علاقے میں خفیہ اطلاعات پر سرچ آپریشن کر کے ایک کشتی کو قبضے میں لیے لیا۔

(جاری ہے)

کارروائی کے دوران 4 عدد بوریاں اور 2 عدد ایل پی جی سلنڈرز برآمد کیے گئے جن میں اسلحہ اور منشیات کو چھپایا گیا تھا۔کوسٹ گارڈز کے مطابق برآمد شدہ اشیاء میں 34 کلوگرام آئس، 42 کلوگرام ہیروئن اور 5.56 ملی میٹر کیلیبر کی گولیاں شامل ہیں۔ پکڑے جانے والے اسلحہ، ہیروئن اور آئس کی بین الاقوامی مارکیٹ میں مالیت 26.2 ملین ڈالر ہے۔